Gernikako Haziberri festibalak jaialdiaren seigarren edizioko kartela iragarri du. Silvia Pérez Cruz, Gari&Maldanbera eta Esanezin izango dira uztailaren 15ean Europako Herrien parkea musikaz blaituko duten artistak.
Honela azaldu dute kartela jaialdiko antolatzaileek: “Hiru belaunaldi ezberdin, hiru estilo ezberdin baina hari komun bat: emozioak modu zintzo eta pertsonalean transmititzeko gaitasuna. Bakoitzak bere unibertso propioa dauka, baina hirurek partekatzen dute musikarekiko begirada emozionala eta gertua”.
18:00etan irekiko dira jaialdiaren ateak. Esanezinek irekiko du ekitaldia, atsedengunean. Gero, kontzertu gunean, Gari&Maldanberaren txanda izango da, eta Silvia Perez Cruzek itxiko du gaua. Sarrerak maiatzaren 20an (18:00etan) jarriko dituzte eskuragarri, 39,73 euroren truke, haziberri.eus-en. aurrera. Kontzertuko sarrerarekin, parkean bertan kokatutako Euskal Herria Museoa dohainik bisitatzeko aukera egongo da, 2026eko urtea bukatu arte.
Musikaz eskaintzaz gain, Haziberri aurrera eramateko osatu duten lankidetza sarearen garrantzia azpimarratu du jaialdiak, jasangarritasunean eta bertako produktuen aldeko apustuan sakonduta.
