Madonna eta Sabrina Carpenter, elkarrekin
Jaialdiko kartel buruetako bat izan da Sabrina Carpenter. Bi asteburuetan, estatubatuar musikaria 21:00etan agertu da oholtza gainera, taula gainean instalatutako maketa erraldoiaren aurrean.
Ohi bezala, jantzitegi aldaketa, koreografia landu eta une dibertigarriz beteriko ikuskizuna eskaini du artistak. Kontzertua hasi eta minutu batzuetara, hainbat zalek sare sozialetan iragarritakoa baieztatu zuen Carpenterrek: Madonna artista gonbidatu du eszenatokira, elkarrekin “Like a Prayer” eta “Vogue” abestiak kantatzeko.
Madonnak berak oholtza gainean azaldu bezala, gonbite berezia izan da Carpenterrek egindakoa, duela 20 urte zapaldu baitzuen estreinakoz Coachella: “Gaur 20 Coachellan jo nuenetik 20 urte bete dira. Dantzalekuan nengoen, eta Confessions on a Dance Floor Pt. 1 jo nuen estreinakoz, niretzako oso hunkigarria izan zen. Horregatik, pentsa zein emozionatuta nagoen gaur hemen egoteagatik. 20 urte eta gero, orduan eraman nituen botak, kortsea eta Gucciko jaka daramazkit. Zirkulua ixtera noa”.
Aipatutako bi abestiez gain, “Confessions II” izeneko abesti kantatu dute elkarrekin. Zurrumurruen arabera, Madonnaren disko berrian aurkituko dugun kantetako bat izan daiteke.
