Azkena Rock Festivalek (ARF) 2026ko kartela itxi du, Carpenter Brut, Robert Finley eta Black Maracas artisten iragarpenarekin. Mendizabalak jaialdiaren 24. edizioa hartuko du aurten, ekainaren 18tik 20ra bitarte, eta aipatutako izen berriez gain, Alice Cooper, Social Distortion eta The Hivesen kontzertuez gozatzeko aukera izango da bertan.
Carpenter Brute frantziar musikariak kaleratu berri duen Leather Terror diskoa aurkeztuko du Gasteizen, jaialdiko publikoa synthwave eta metal industrialaren unibertsoan murgilaraziz. Robert Finley blues eta soul musikari estatubatuarra ere bertan izango da, festibaleko lehen egunean (ekainak 18). Black Maracas hiruko madrildarrak, ostera, psikodeliaren bidea hartuko dute ostiralean (ekainak 19), ARFen rock eskaintzaren baitan.
Nazioarteko eskaintza oparoaz gain, Nhil, Rodeo eta Lepora euskal taldeek ere tokia izango dute aurtengo ARFen.
Jaialdiko abonu orokorra eskuragarri dago jada, jaialdiaren webgunean, 175 euroren (+ kudeaketa gastuak) truke. Promozio prezio berezia martxoaren 13an igoko da, 12:00etan.
