DAM palestinarrak, Merina Gris, Bele, Silitia eta Imarhan dira aurtengo EHZko lehen izenak

Euskal Herria Zuzenean jaialdiak 30. edizioa ospatuko du ekainaren 26, 27 eta 28an, Arberatze-Zilhekoan. Bonuak salgai daude dagoeneko, 43 euroan.

2026/03/02 - 15:22

Azken eguneratzea

2026/03/02 - 15:22

Euskal Herria Zuzenean (EHZ) festibalak 30. urteurrena ospatuko du aurten, ekainaren 26tik 18ra. Arberatze-Zilhekoan (Behe Nafarroa) izango da, Geroaren Lehen Notak lelopean.

Jaialdiko antolatzaileek bertan egongo diren lehen artistak iragarri dituzte: DAM rap talde palestinarra, Merina Gris, Bele eta Silitia euskal bandak eta Imarhan argeliar rock taldea. Bonuak salgai daude dagoeneko, 43 euroren truke.

Urtero legez, ordainpekoaz gain, doako programazioa ere antolatu du EHZk. Debaldeko ekitaldien artean, Cordcore eta Olaya Sound Systemen zuzenekoaz gozatzeko aukera izango da, Arberatzeko plazan. Gainera, Bilakaren ‘Dirau’ eta Maitane Sarralderen ‘Madre Perla’ dantza ikuskizunak eta Gaizka Chamizoren ‘Heroiaren mina’ antzezlana izango dira ikusgai.

Aipatutakoez gain, gai sozial eta politikoen inguruko solasaldiak eta haurrentzako ekitaldiak ere izango dira EHZn. Jaialdiarekin kolaboratu nahi duten pertsonek apiriletik aurrera izango dute izena emateko aukera.

Zure interesekoa izan daiteke

Gehiago ikusi
Publizitatea
X