Verde Prato artista tolosarra hartu du Ibon Fernandezek, Musika Irudiak Eraikiz ekimenaren baitan. Donostiako Tabakaleran elkartu dira, eguerdiko 12:00etan, Donostiara gerturatutako zaleen artean.
Hizketaldia abiatzeko, Italiaraino joan dira solaskideak, bertan grabatu baitu Verde Pratok Bizitza Eztia deituriko izeneko azken diskoa. Erroman grabatu zuen diskoa, Donato Dozzy ekoizlearen eskutik. Italiar hiriak duen edertasunaz baliatu da musikaria diskoaren iruditeria osatzeko, eta, ekoizlearekin batera, “bizitzako pasioak eta hedonismoa arakatzen” saiatu dela kontatu dio artistak Ibon Fernandezi.
Ohi bezala, elementu sotilak erabilita, atentzioa eta sentsibilitatea eskatzen duen musika egiten saiatu da Verde Prato. Sortzeko moduari dagokionez, ohikoa duena baino “mediterraneoagoa” izan dela aitortu du, Dozzyren lan egiteko modu lasaiak erabat eraginda.
Jarraian, diskoa irudiz janzteko erabili dituen bi bideoklip, “Bizitza Eztia” eta “La Cita” abestienak, ikusi ditugu 2deo aretoan. Gero, bi abestiekin gertatutako bitxikeria bat kontatu digu Verde Pratok: “La Cita” abestia, beste kanta baten bertsioa, aukeratu zuten diskoko single nagusi gisa, baina argitaratzeko baimena eskatu zutenean, ez zuten lortu egileen erantzunik. Hala, “Bizitza Eztia” kantari eman zioten ‘hit’ izaera hori. Hilabeteak igaro eta diskoa kaleratuta, kantaren egileek baiezkoa eman zieten, eta dagoeneko ikusgai dago single nagusia behar zuen kantaren bideoklip ederra.
Bideoklipen gaia utzita, Tolosan bizi eta etxetik bertatik lan egiteaz aritu da Verde Prato. Bilbotik sorterrira itzuli zen unibertsitatea bukatuta, eta, urteak igarota, erabaki oso ona izan zela uste du. Izan ere, etxeko isolamendutik, irakurketa eta epai propioak egiteko gaitasuna garatu duela azaldu dio Ibon Fernandezi.
Aurreko diskoez galdetuta, Euskal Pop Erradikala EPko bertsioak izan dituzte hizketagai. Maite dituen euskal musikarien kanta ezagunak bere ahots eta unibertso leunera ekarri zituen Verde Pratok, “energia maskulino horri beste leku batetik begiratuta”. Probokazio gisa uler daitekeela bota du musikariak, baita “miresmenetik egindako” piezak direla ere.
Gainera, artistak bakarlariaren bakardadea izan du hizpide. Taldekideek ematen duten konpainia eta aberastasun artistikoa faltan botatzen dituela aitortu duen arren, bakarrik aritzeari alde on ugari ikusten dizkio. Horien artean, hutsetik sortutako proiektu bat hazten ikusi eta jendaurrean bakarrik defendatzeak ematen duen satisfakzioa. Ildo beretik, nazioarteko jaialdi batean teknikari talde batekin izandako esperientzia tamalgarria kontatu du musikariak, emakume bakarlariek pairatzen dituzten jarrera matxisten adibide gisa.
Solasaldia bukatu aurretik, margolaritzaz eta bere ikuskizunetan erabiltzen dituen eskultura eta jantziez aritu da Verde Prato, publikoaren galderak erantzun aurretik. Saioa borobiltzeko, "La Cita" eta "Ez Zinen" kantak jo ditu artistak, Tabakalerako publikoaren aurrean.
Ekainaren 5ean eta 6an, ETS, SÜNE, Nil Moliner, La M.O.D.A. eta Janus Lesterren zuzenekoez gozatzeko aukera izango da Nafarroako hiriburuko Zitadelan. Kontsultatu hemen noiz joko duen zure gustuko artistak.
Uztailaren 15ean ospatuko dute jaialdiaren seigarren edizioa, Gernikako Europako Herrien parkean.
Besteak beste, Mirua, Janus Lester, Merina Gris, SÜNE, La Pegatina, Sanguijuelas del Guadiana, Su Ta Gar eta Biznaga ikusteko aukera izango da, maiatzaren 29an eta 30ean.
Berrizko banda Jon Garcia durangarraren laguntzaz baliatu da “Sua gara” izeneko abestia ontzeko.
Eurovision nazioarteko musika txapelketa beharrean, espainiar telebista publikoak 'La Casa de la Música' izeneko saio berezia eskainiko du maiatzaren 16an.
Ekinaren 5etik 6ra izango da, eta León Benavente, Jumelage, Virginia Saintt, Lisasinson eta Mon Dvy ere bertan izango dira.
Estatubatuar artista adimen artifizialaren (AA) erabilera okerraren biktima izan da azkenaldian. Swiftez gain, Billie Eilish, Katy Perry, Pearl Jam eta beste hainbat artistek salatu dute AA erabiltzen duten teknologia enpresek “artista bizidunen eskubideak” urratzen dituztela.
Gipuzkoar kolektiboak maiatzaren 8an aterako du bere azken lana.
Hiru urteren ostean, bizkaitar bandak lan berria aterako du urriaren 2an. Euskal Herrian, Mexikon, Alemanian eta espainiar Estatuan aurkeztuko dute LPa.
