Palestinaren aldeko oihua ozen entzungo da Durangon, martxoren 21ean

Palestinarekin Elkartasuna elkarteak eta hainbat euskal musikarik Oihu bat Palestinara izeneko elkartasun jaialdia aurkeztu dute gaur Bilbon. Martxoaren 21ean, Durangoko Landakon, Anari, Belako, Merina Gris, J Martina, Eire, Hofe, Ibil Bedi, Olatz Salvador, Lukiek eta beste hainbat artista zuzenean ikusteko aukera izango da.

Antolatzaileek azaldu dutenez, ekimen honen bitartez “gure musika Palestinar Erresistentziaren aldeko mezua zabaltzeko” erabili nahi dute, “mezu hau isiltzen saiatzen ari diren une honetan”.

Borla, Bengo, Chulería Joder!, Dena, La Furia, Gailu, Ke Lepo, Malakias, Odei eta Mateo Zikuta musikariak ere bertan izango dira; baita dantzariak, bertsolariak eta umoregileak ere.

Sarrerak

Sarrerak formatu fisikoan eskuratu beharko dira, urtarrilaren 28tik aurrera. Bi prezio egongo dira: 15 euro eta 25 euro. Jaialdiko antolatzaileek ohar bidez adierazi dutenez, ez dago bi tiketen arteko alderik (ekarpen ekonomikoa baino). Ekitaldi solidarioa den aldetik, aportazioak egiteko aukera izango dela aurreratu dute.

Honakoak dira erosketa puntuak: Bilbo (Ziburu y Bizitza), Santurtzi (Ahizpak), Barakaldo (Getaria Berria), Algorta (Ajuria), Portugalete (Casa Vicente), Basauri (Fission's y Berezi), Galdakao (Zurrut), Durango (Miñe), Zornotza (Urtza), Lekeitio (Zulua), Mungia (El Rincón de Xime y Mume), Gernika (Katu), Elorrio (Urre-berri), Ermua (Infreiñu), Gasteiz (Hala Bedi), Donostia (Urka e Ilargi), Deba (Koxka), Irun (Depor), Hernani (Txili), Azpeitia (Haginpe), Beasain (Bideplaza), Tolosa (Raku), Ibarra (Atari), Iruñea(Aitzina y Katakrak), Tafalla (Pasadizo), Elizondo (Intza), Altsasu (Lezea), Lizarra (Berri) eta Baiona (Xina).