Donostiako Jazzaldian galduko ez ditugun bost kontzertu

Uztailaren 22tik 27ra, Jazzaldiaren 60. edizioa ospatuko da Donostian, 90 kontzerturekin. Horien artean, galduko ez ditugun bost bildu ditugu Gaztean.

Erredakzioa

2025/07/15 - 11:49

Azken eguneratzea

2025/07/15 - 11:49

Donostiako Jazzaldiaren 60. edizioak hiria hartuko du uztailaren 22tik 27ra, nazioarteko zein bertako 90 artista ingururen zuzenekoekin. Kontzertu batzuk doakoak izango dira (FNAC gunea, Frigo gunea, Nauticool eta Keler gunekoak (Zurriolako hondartza), eta beste hainbat ordainpekoak (Trinitate plaza, Kursaala, Victoria Eugenia,San Telmo Museoa eta Maria Cristina hotelekoak).

Besteak beste, Jamie Cullum, The Beach Boys, Marc Ribot eta Dave Holland ikusteko aukera izango da. Euskal artistei dagokienez, Anari eta Bulego doan ikusteko aukera izango da, Zurriola hondartzan kokaturiko Keler gunean.

Aste osoko programazioaren errepasoa eginda, bost gomendio bildu ditugu Gazteako erredakzioan.

Jamie Cullum

Jazzaldian jo duen beste lau aldietan ikusteko aukerarik izan ez baduzu, orain da zure momentua.

Britainiar pianojole eta artistak jazz klasikotik eta pop garaikidetik edaten du, zuzeneko errepertorio eklektikoarekin.

Cullumen energia paregabeak eta bandako musikarien kalitateak ahaztuko ez duzun kontzertu horietako bat emango dizute.

Zurriolako hondartzan kokatutako Keler gunean izango da doako zuzenekoa, uztailaren 23an.

Anari

Hurrengo egunean, uztailak 24, gipuzkoar aristak hartuko du Zurriolako oholtza.

2027an 30 urte beteko ditu Anarik taula gainean, eta ordutik ondutakoez gain, Giza Zarata izeneko zazpigarren diskoa aurkeztuko digu Jazzaldian.

Belakorekin elkarlanean egindako “Deus ex machina” buklean entzun dugu Gaztean, eta zuzenean ikusteko irrikaz gaude.

Yerai Cortes

C. Tangana musikari ospetsuak zuzendutako La guitarra flamenca de Yerai Cortes film sarituari esker ezagutu genuen artista, Donostian bertan, 2024ko Zinemaldian.

Bere zuzenekoetan, eszenografia garaikidea eskaintzen du gitarristak, flamenkoaren erpin guztiak jorratuz. C. Tanganak hainbat elkarrizketetan azaldu bezala, sentsibilitatea eta musika ulertzeko era aldatu dizkio Cortesek.

Kontzertua Kursaalen izango da, uztailaren 24an. Sarrerak agortuta dauden arren, itxaron zerrendan izena emateko aukera duzu hemen.

Bulego

Denbora dezente daramagu gipuzkoar bandaren berririk izan gabe.

2026an kontzerturik emango ez dutela iragarri ostean, taldea gurean ikusteko azken hitzorduetako bat izango da Jazzaldikoa.

Aldatu Aurretik diskoaren aurkezpen birako zuzenekoak galdu badituzu, aukera paregabea izango duzu uztailaren 26an, Keler gunean.

The Amy Winehouse Band

Hil eta hamalau urtera, britainiar musikaria faltan botatzen jarraitzen dugu Gaztean. Winehousen ahotsa errekuperatzea ezinezkoa den arren, bere zuzeneko banda zenaren kontzertuaz gozatzeko aukera izango dugu Jazzaldian.

Winehousen errepertorioaren errepasoa egingo dute bere musikariek, Bronte Shande abeslariaren ahotsaz baliatuta, artistaren omenaldi nostalgiko eta alaian. Frigo gunean izango da, uztailaren 26an.

Albiste gehiago musika

Zea Mays eta Gatiburen kontzertuak, Gasteiz eta Bilboko jaietan, Gaztearen eskutik

Abuztuaren 8an Zea Maysek joko du Gasteizko Foruen Plazan. 22an, Bilboko Aste Nagusiaren baitan, Gatibu ikusteko aukera izango da Europa Parkean, Gaztearen eskutik.

Anestesia, ZETAK, Delirium Tremens, KOP, Zea Mays, Deskontrol, Arkada Social, Naxker eta Ødei ere Hatortxu Rocken azken edizioan izango dira

Jaialdiak azken hitzordua du Lakuntzan, uztailaren 24tik 27ra. Barniz, Bizardunak, Potato, Svetlana, Juantxo Skalari & The Rude Band + Set Skalariak, Kaleko Urdangak, Xutik, Las Ninyas del corro, Odolkiak Ordainetan, Talco, Xiberoots, Zaunka, Nafarroa 1512 eta Reinicidentes ere batu dira kartelera.

Euskal rock erradikalari anti-omenaldia, urriaren 24an eta 25ean, Belako, La Txama, Kiliki, Silitia eta Anariren zuzenekoekin

Iruñeko Zentralen (urriak 24) eta Bilboko Euskalduna Urban Hallen (urriak 25), aipatutako taldeek Gailuk eta Joseba Irazoki eta lagunakek zuzenekoak eskainiko dituzte, euskal rock erradikalaren anti-omenaldian.

Palestinaren aldeko musika jaialdia, igande honetan, Uliako Mintegien Parkean

ALAI, Krii Kolektiboa, Flaca, Gela, Ofensa, LaMia Mari This Ist eta Siwanaba artistek zuzenekoak eskainiko dituzte Donostia Palestina elkartearentzako dirua biltzeko.

HOFE, Sukena, Merina Gris, Olatz Salvador, Bengo, Euskoprincess eta Lukiek, Donostiako Aste Nagusi Piratan

Donostiako Piratek aurtengo jaietako kartela iragarri dute. Abuztuaren 9tik 16ra, hainbat euskal artisten zuzenekoek Donostiako kaia hartuko dute.

Mirua: “Ez zaigu folklorearen mistizismoa eta erromantizismoa interesatzen. Denok hunkitu gaitezke Irulegiko Eskuarekin, baina gure asmoa ez da herri milenario bat aldarrikatzea”

MIRUENEA estreinako disko luzea kaleratu eta hamar egunera, Mirua taldeko Mattin eta Malentxo Zeberio bertan aurkituko dugunaz aritu zaizkigu. Musikari askorekin lan egitearen onurak, diskoak izandako harrera, ondarea eta folklorearen instrumentalizazioa izan dituzte hizpide.

Ezpalakek ez du Resurrection Festen joko, KKR inbertsio funtsaren kontrako erabaki politiko gisa

Gipuzkoar bandak sare sozialetan azaldu duenez, oso zaila egiten zaie euren “ideiekin koherenteak eta konsekuenteak izatea eta jaialdi honetan edo inplikatutako beste batzuetan parte hartzea”.

KKR inbertsio funtsa, Israelen finantziazioa eta espainiar musika jaialdiak: gertatu dena ulertzeko hiru gako

Kohlberg Kravis Roberts (KKR) inbertsio enpresak mundu mailako hainbat aisialdi ekitaldi erosi ditu; tartean, Sónar, Viña Rock, Resurrection Fest, Arenal Sound, FIB eta Monegros Desert Festival.

Gorka Urbizu, Libe, Olatz Salvador, IZARO, Verde Prato, Eneritz Furyak, Bloñ eta Benito Lertxundi, Musika Bulegoa Sarietako irabazleen artean

Nerea Reparaz eta Julen Telleriak aurkeztu dute sari banaketa, Gasteizeko Jimmy Jazzen.