KKR inbertsio funtsa, Israelen finantziazioa eta espainiar musika jaialdiak: gertatu dena ulertzeko hiru gako

Kohlberg Kravis Roberts (KKR) inbertsio enpresak mundu mailako hainbat aisialdi ekitaldi erosi ditu; tartean, Sónar, Viña Rock, Resurrection Fest, Arenal Sound, FIB eta Monegros Desert Festival.

Berezi Fernandez

2025/05/15 - 10:35

Azken eguneratzea

2025/05/15 - 10:35

Kohlberg Kravis Roberts (KKR) inbertsio enpresak espainiar Estatuko hainbat musika jaialdi erosi ostean, eztabaida piztu da sare sozialetan, aipatutako enpresak Gazako lurralde okupatuetan dituen negozioak tarteko. Izan ere, KKRk Israelek indarrez hartutako lurraldeetan eraikitako etxebizitzak saltzen ditu, Yad2 (espainiar Idealistaren antzeko plataforma) izeneko enpresaren bitartez.

Superstruct Entertainment

2024an, KKRk Superstruck Entertainment enpresak erosi zuen. Talde honek mundu mailako 80 musika jaialdi antolatzen ditu; tartean, Sónar, Viña Rock, Resurrection Fest, O Son do Camiño, Arenal Sound, FIB eta Monegros Desert Festival. Ikerketa El Salto hedabideak egin du, Nando Cruz kazetariak sinatutako erreportaje sortan.

Espainiako mugetatik at, Boiler Room ekimena ere erosi du Superstruct Entertainmentek, 2025eko urtarrilean.

Boiler Roomek nazioarteko eszenako dj eta artista ezagunenak klubetan biltzen ditu, eta bertan egiten dituzten sesioak YouTubera igotzen dituzte, sekulako audientzia datuekin.

Jaialdietako langileen erreakzioak

Galizian, BDS Galizak (Palestinaren aldeko elkartea) KKR inbertsio funtsak O Son do Camiño eta Resurrection Fest jaialdiekin duen lotura salatu dute.

Horrez gain, festibaletan parte hartzen duten enpresa, iragarle eta langileei jaialdiaren jabe berriaren eta honek palestinar lurretan egindako okupazio ilegalaren aurka agertzeko deia egin du elkarteak.

Boiler Roomen kasuan ere bapatekoak izan dira erreakzioak. Ekimenaren Instagram kontuan irakurri daitekeen bezala, jaialdia “hainbat kontrol, inbertsio eta zuzendaritza talderen eskutik igaro den arren, Palestinarekin eta independentzia editorialarekin duten konpromezua beti izan da irmoa”.

Gainera, Boiler Roomeko langileek enpresaren jabeen erabakien gaineko kontrolik ez dutela azpimarratu dute.

Finlandian, Flow Festivaleko langile talde batek “flow greba” egiteko deia egin die jaialdiko partehartzaile guztiei.

Artistei zuzendutako kanpainan, jaialdiarekin ez kolaboratzeko eskatu die musikariei.

KKR, frackingaren eta Trumpen gobernuaren alde

Israeleko negozioez gain, KKR frackingaren (hainbat herrialdetan debekatuta dagoen gas naturala eta petrolioa erauzteko teknika) aldeko lobbyaren parte da.

Gainera, 2024an, Nikki Haleyren (AEBetako hauteskundeetako hautagai errepublikanoa) kanpaina finantziatu zuen. Horrez gain, 2016an, KKRk Donald Trumpen presidentzia hartze ekitaldia ordaintzeko milioi bat euro jarri zituen.

Inbertsio funtsaren tentakuluak Internetera ere iritsi dira. Izan ere, enpresaren datu publikoen arabera, Europa, AEB eta Israelgo software, zibersegurtasun eta datu enpresetan inbertsioak egin ditu KKRk azkenaldian.

Musika albiste gehiago

ZETAKek Donostiako kontzertuetako edukiera handitu du

Irailaren 5, 6 eta 7ko zuzenekoetarako sarrerak aspaldi agortu ziren. Banda nafarrak Ilunben emango dituen kontzertuen edukiera handitu eta pistako sarrera gehiago aterako ditu.

Zea Mays eta Gatiburen kontzertuak, Gasteiz eta Bilboko jaietan, Gaztearen eskutik

Abuztuaren 8an Zea Maysek joko du Gasteizko Foruen Plazan. 22an, Bilboko Aste Nagusiaren baitan, Gatibu ikusteko aukera izango da Europa Parkean, Gaztearen eskutik.

Anestesia, ZETAK, Delirium Tremens, KOP, Zea Mays, Deskontrol, Arkada Social, Naxker eta Ødei ere Hatortxu Rocken azken edizioan izango dira

Jaialdiak azken hitzordua du Lakuntzan, uztailaren 24tik 27ra. Barniz, Bizardunak, Potato, Svetlana, Juantxo Skalari & The Rude Band + Set Skalariak, Kaleko Urdangak, Xutik, Las Ninyas del corro, Odolkiak Ordainetan, Talco, Xiberoots, Zaunka, Nafarroa 1512 eta Reinicidentes ere batu dira kartelera.

Euskal rock erradikalari anti-omenaldia, urriaren 24an eta 25ean, Belako, La Txama, Kiliki, Silitia eta Anariren zuzenekoekin

Iruñeko Zentralen (urriak 24) eta Bilboko Euskalduna Urban Hallen (urriak 25), aipatutako taldeek Gailuk eta Joseba Irazoki eta lagunakek zuzenekoak eskainiko dituzte, euskal rock erradikalaren anti-omenaldian.

Donostiako Jazzaldian galduko ez ditugun bost kontzertu

Uztailaren 22tik 27ra, Jazzaldiaren 60. edizioa ospatuko da Donostian, 90 kontzerturekin. Horien artean, galduko ez ditugun bost bildu ditugu Gaztean.

Palestinaren aldeko musika jaialdia, igande honetan, Uliako Mintegien Parkean

ALAI, Krii Kolektiboa, Flaca, Gela, Ofensa, LaMia Mari This Ist eta Siwanaba artistek zuzenekoak eskainiko dituzte Donostia Palestina elkartearentzako dirua biltzeko.

HOFE, Sukena, Merina Gris, Olatz Salvador, Bengo, Euskoprincess eta Lukiek, Donostiako Aste Nagusi Piratan

Donostiako Piratek aurtengo jaietako kartela iragarri dute. Abuztuaren 9tik 16ra, hainbat euskal artisten zuzenekoek Donostiako kaia hartuko dute.

Mirua: “Ez zaigu folklorearen mistizismoa eta erromantizismoa interesatzen. Denok hunkitu gaitezke Irulegiko Eskuarekin, baina gure asmoa ez da herri milenario bat aldarrikatzea”

MIRUENEA estreinako disko luzea kaleratu eta hamar egunera, Mirua taldeko Mattin eta Malentxo Zeberio bertan aurkituko dugunaz aritu zaizkigu. Musikari askorekin lan egitearen onurak, diskoak izandako harrera, ondarea eta folklorearen instrumentalizazioa izan dituzte hizpide.

Ezpalakek ez du Resurrection Festen joko, KKR inbertsio funtsaren kontrako erabaki politiko gisa

Gipuzkoar bandak sare sozialetan azaldu duenez, oso zaila egiten zaie euren “ideiekin koherenteak eta konsekuenteak izatea eta jaialdi honetan edo inplikatutako beste batzuetan parte hartzea”.