“GU”k 2000 saioak ospatuz agurtuko du aurtengo denboraldia

Ibon Fernandez eta Alain Perezek “GU” saioaren 2000. programa egingo dute ekainaren 25ean. Donostiako portua eta Kontxako hondartza bitartean kokatuta dagoen GU espazioan egingo dute zuzeneko saio berezia, 17:00etan hasi eta 20:00ak arte.

Urtemuga berezia ospatzeko, Olaia Inziarte eta Bengo musikariak gonbidatuko dituzte. Eurekin hitz egiteko tartea hartzeaz gain, zuzenean joko digute “Beldurrik gabe” abestia. Luxuzko gonbidatuekin jarraitzeko, Aratz Lakuntza (Gazteako entzuleek “El Conquis”era joateko hautatu zuten lehiakidea, geroago “Supervivientes” saioan egondakoa) Gazteako set berezitik igaroko da, superbibentzia saioetan bizitakoen inguruan hitz egiteko.

Bestela, Ibon eta Alainek “GU” saioko ohiko kolaboratzaileak hartuko dituzte, binaka. Ainhoa Etxebarria eta Alexander Padilla, Irati Erauskin eta Iñigo Aranburu eta Berezi Fernandez eta Anepe.

Gainera, Gazteako set berezira gerturatzen direnek karaoke lehiaketa batean parte hartu eta sekulako saria eramateko aukera izango dute!