Zuek aukeratuko dituzue Gaztea Sarietako zuzeneko eta ikuskizun onenaren irabazleak, webgune bidezko bozketan

Zuzeneko onenaren kategorian, Merina Gris, Chill Mafia, Olaia Inziarte, EZEZEZ eta Gorka Urbizu dira izendatuak. Ikuskizun onenarenean, ostera, honakoak dira izendatuak: IZAROren ‘cerodenero’, ETSren ‘20 urte zure eskutik’, ZETAKen ‘Mitoaroa’, Fermin Muguruzaren 40. urteurreneko Anoetako kontzertua eta Gatiburen ‘Agur esan barik’.

Erredakzioa

2026/02/23 - 11:10

Azken eguneratzea

2026/02/23 - 11:10

Gaztea Sariak iristear diren honetan, izendatuak ezagutzeko unea iritsi da. Astean zehar, kategoria guztietan izendatutako talde eta musikarien izenak iragarriko ditugu gure irratsaio eta sare sozialetan.

Urtero legez, publikoak bere musikari eta proiektu gustukoenaren alde bozkatzeko aukera izango du. Aurten, zuzeneko onena eta ikuskizun onena izango dira bozketan aukeratu beharreko kategoriak.

Zuzeneko onenaren Gaztea Saria eskuratzeko hautagaiak Merina Gris, Chill Mafia, Olaia Inziarte, EZEZEZ eta Gorka Urbizu dira. 2025a denentzat izan da berezia, eta Euskal Herriko zein gure mugetatik kanpoko oholtzetan aritu dira, ia gelditu gabe. Chill Mafiaren kasuan, taldea utzi aurreko despedida kontzertuak eman zituzten 2025 hasieran.

Joan den urtean bizi izan dugun formatu handiko kontzertuen olatua aintzat hartuta, Gazteak kategoria berria sortu du aurten: ikuskizun onenaren saria. Hala, honakoak aukeratu ditugu estreinatu berri dugun garaikur berezirako: IZAROren ‘cerodenero’, ETSren ‘20 urte zure eskutik’, ZETAKen ‘MITOAROA’, Gatiburen 'Agur esan barik' eta Fermin Muguruzaren 40. urteurreneko Anoetako kontzertua.

Noiz eta nola bozkatu

Otsailaren 23an, 12:00etan irekiko dugu zuen botoak jasotzeko epea, eta astebetez izango da aktibo, martxoaren 2ra arte. Kategoria bakoitzean talde bana aukeratzeko aukera izango duzue, eta egunean behin bozkatu ahal izango da.

Botoa eman ahal izateko, Gazteako komunitateko kide izan beharko duzu. Profila sortuta izatekotan, sartu zure erabiltzaile eta pasahitza; bestela, sortu kontua eta bozkatu maite duzun taldearen alde!

Zuzenekoz beteriko gala, martxoaren 5ean

Martxoaren 5ean ospatuko dugu Gaztea Sarien gau handia, Euskalduna Bilbaoko Urban Hall aretoan. Urtero legez, euskal musikak emandako onena sarituko dugu, eta artista horietako asko oholtza gainera gonbidatuko ditugu, galarako propio prestatutako ikuskizuna eskaintzeko.

Sariei dagokienez, aurreko urtean zehar jasotako uztari erreparatu eta artista, kanta, disko, bideoklip eta zuzeneko onenak sarituko dira, besteak beste. Aurten, baina, aldaketak izango dira hautaketa prozesuan. Bada, Gazteak osatutako epaimahai batek erabakiko ditu kategoria gehienetako irabazleak.

Galari dagokionez, inoiz baino zuzeneko gehiago izango dira aurten. Momentuz, IZARO, Olaia Inziarte, Janus Lester, Nøgen eta Euskoprincess dira bertan egongo diren artista konfirmatuak.

Zure interesekoa izan daiteke

18:00 - 20:00

Gaztea Sariak 2026: Janus Lester da urteko artista, Merina Grisen ‘ZULOA’ da diskorik onena eta Gorka Urbizuren “Zilarra”k eraman du abesti onenaren garaikurra

Bestelako kategorietan, Naxkerren eraman du artista berri onenaren garaikurra, eta Miruaren “Morroxko” kantaren bideoak, ostera, bideoklip onenarena. Publikoak hautatutako bi kategorietan, honakoak izan dira sarituak: Gorka Urbizu (zuzeneko onena) eta ZETAKen ‘Mitoaroa’ (ikuskizun onena).

Gaztea Sarietako gida: osteguneko hitzordurako jakin beharreko guztia

19:30ean irekiko dira Euskalduna Bilboko Urban Hall espazioko ateak. Gala hasi aurretik, gonbidatuak alfonbra gorritik igaroko dira. Alfonbra gorria eta gala streaming bidez ikusteko aukera izango da, Gaztearen webgunean eta YouTubeko kanalean.

“Bi Begi Bi Lore”, “Panpin bat bezala”, “Salda badago”, “Xorieri” eta “Zilarra” dira abesti onenaren Gaztea Sarirako izendatuak

Janus Lester, Nøgen, HOFE, Jimena Amarillo, Mirua, IZARO eta Gorka Urbizu bertan izango dira, saria jasotzeko prest.

Süne, ZETAK, Dupla, Olatz Salvador eta Janus Lester dira artista onenaren Gaztea Saria eramateko hautagaiak

Martxoaren 5ean jakingo dugu irabazlearen izena, Euskalduna Bilbaoko Urban Halleko festa handian.

ETSren ‘KONKISTA’, EZEZEZen ‘Kabakriba’, Merina Grisen ‘ZULOA’, Olaia Inziarteren ‘Zerrautsa’ eta Miruaren ‘MIRUENEA’, Gaztea Sarietan izendatu, disko onenaren kategorian

2025ean kaleratutako lanen artean, bost hauek aukeratu ditu Gazteak. Epaimahaiak aukeratuko du zeinek eramango duen garaikurra, baina gogoratu zuzeneko eta ikuskizun onenaren irabazlea zuk aukeratuko duzula, bozketa bidez.

GAR, Naxker, Maskak, Burutik eta Aimarz dira artista berri onenaren Gaztea Saria irabazteko hautagaiak

Kutxabank Kornerrek babestutako garaikurrak 2025ean ezagutu dugun artista edo talde berria onena sarituko du.

Amaia Miranda, Euskoprincess, HOFE, Mirua eta XSakararen bideoak, bideoklip onenaren kategorian lehiatzeko hautagaiak

“Amak Dio/Entre Mi Sangre y El Llanto”, “Euskañol”, “Morroxko” , “R.A.” eta “YEPA!” abestien bideoklipak dira Gaztea Sarietako bideoklip onenaren kategoriako izendatuak.

Merina Gris eta Gorka Urbizu, Gaztea Sarien zuzeneko emanaldien zerrenda ixteko

“Tesla Bat Zutan” hitaren egileak martxoaren 5eko galan izango dira, Euskalduna Bilbaon. Haiekin batera, Euskoprincess, Hofe eta Jimena Amarillo, IZARO eta Olaia Inziarte eta Nøgen eta Janus Lester arituko dira zuzenean.

HOFE eta Jimena Amarillo, elkarrekin estreinakoz, Gaztea Sarien galan

“Panpin bat bezala” hi-a zuzenean entzun nahi? Martxoaren 5ean izango duzu aukera, Gaztea Sarien galan.

Publizitatea