'Yoko Ona'k zuzeneko saioa egingo du igande honetan, Iruñean, Naxker eta Labarrekin

Platoan grabatutako bi saiorekin eta Iruñeko Laba aretoan (abenduak 14) zuzenean egingo dutenarekin osatuko dute denboraldi berria.

Yoko Ona, Eider Rodriguez eta Kattalin Minerrekin

2025/12/02 - 09:09

Azken eguneratzea

2025/12/02 - 09:09

Yoko Onak seigarren denboraldia estreinatu du abenduaren 9an. Ainhoa Vitoria, Olatz Salvador eta Lore Nekane Billelabeitiak euskal kulturako aurpegi ezagunak hartuko dituzte, beste denboraldi batez.

Podcastaren hastapenetara itzuliz eta 2024ko bira ibiltariaren arrakasta ahaztu gabe, denboraldi hibridoa izango da aurtengoa. Izan ere, platoan grabatutako bi saio eta bi zuzeneko uztartuko dituzte. Grabatutako saioak Tabakalerako Kutxa Fundazioa aretoan egin dituzte, aurtengo azaroan.

Zuzenekoei dagokienez, lehena Musika Bulegoaren Must+ Pro jaialdiaren baitan egin zuten, Alai eta Putas Amak gonbidatu hartuta. Bigarren zuzenekoa, berriz, abenduaren 14an izango da, Iruñeko Laba aretoan, 18:00etan.

Abenduaren 9an kaleratu da lehen atala, eta hurrengo bi asteetan (abenduak 16 eta 23) plazaratuko dituzte beste biak. Denak Gaztearen YouTube kanalean eta GUAU plataforman izango dira ikusgai. Gainera, gonbidatuen iragarpenak eta material berezia ikusteko aukera ere izango da Yoko Onaren sare sozialetan. Saio bakoitzeko euskal kulturako bi aurpegi ezagun hartuko dituzte. Besteak beste, nerabezaroaz, literaturaz, egiaz, traumez eta publiko aurrean agertzearen argi-ilunez arituko dira gonbidatuak Ainhoa, Olatz eta Lore Nekanerekin.

Etorri ‘Yoko Ona’z zuzenean gozatzera, abenduaren 14an

Abenduaren 14an (18:00etan), Iruñeko Laba aretoan agurtuko du ‘Yoko Ona’k 2025eko denboraldia, zuzeneko saio batekin. Naxker taldeko Ainhoa eta Karmele eta Labar artistak izango dituzte gonbidatu, eta sarrera doakoa izango da, aretoa bete arte.

Gainera, Naxkerreko kideek kontzertu akustiko labur bat eskainiko dute saioaren amaieran.

Hurbiltzerik ez dutenek Gaztearen YouTubeko kanalean izango dute atala ikusgai, denboraldiko besteekin batera.

Zure interesekoa izan daiteke

Gaur iluntzean banatuko dituzte Musika Bulegoa Sariak, Ainhoa Vitoriak eta Aitziber Gradosek aurkeztutako galan

Biarritzeko Atabalen izango da aurtengo gala. Bertan, Euskal Herrian sortutako musika omenduko dute, sari banaketa eta zuzeneko emanaldiak tarteko.

Zuzeneko ‘Benetan Zabiz?’ berezia, gaur iluntzean, Donostiako Tabakaleran

Podcast Geltokia jaialdiaren programazioaren baitan, Gaztearen podcasteko aurkezleek Iker Iribarren, Ana Goitia eta Ane Acedo gonbidatuak hartuko dituzte. 19:00etan izango da, Tabakalerako 1. aretoan.

Musika, musikariaz gain: ekoizle, manager eta prentsa arduradunak ezagutzen, B Aldeako Solasaldietan

Must +Pro ekimenaren baitan, Julen Idigoras eta Ainhoa Vitoriak zuzeneko solasaldi berezia egin dute, Bilboko Sala BBKtik. Kiliki, Ane Garcia, ALAI, Ke Lepo, Ander Merino eta Janus Lester gonbidatu dituzte.

Gaztea Gasteizko BatBatean jaialdian izango da, bi saio berezirekin, maiatzaren 15ean eta 16an

Ostiral arratsaldean, Ibon Fernandez eta Leire Arrojeriak “GU” saio berezia egin zuten Mendizabalatik. Larunbatean, Ainhoa Vitoria eta Liher Larrañagak hartuko diete lekukoa.

Gazteak Must +Pro jaialdiarekin egingo du bat gaur, 19:00etatik aurrera, Bilboko Sala BBKn

Bilbon egingo dute Musikarien Topagune Profesionalaren bigarren edizioa. Gazteak saio berezia egingo du bertatik, Julen Idigoras eta Ainhoa Vitoriarekin.

Gaztea ere EHUP! Jaian izango da gaur, 17:00etatik aurrera, “GU” saio bereziarekin

Apirilaren 24an, 17:00etatik aurrera, Ibon Fernandez eta Alain Perezek saio berezia egingo dute EHUko Gipuzkoako Campusetik.

Gazteak Korrikarekin egingo du bat, asteazken goizean, Donostian

Korrikaren ekuatorea zuzenean bizitzeko aukera izango duzue, Donostiako Bulebarretik egingo dugun “Dida!” saio bereziari esker.

HOFE izango da larunbat honetako Musika Irudiak Eraikiz ekimeneko protagonista

Donostiako Tabakaleran izango da, martxoaren 28an. Leire Arrojeria Gazteako esatariak nafar musikaria elkarrizketatuko du, bere disko berriaren aitzakian.

Verde Prato, larunbat honetan Tabakalaeran, ‘Musika Irudiak Eraikiz’ solasaldian

Ibon Fernandez Gazteako esatariak gidatuta, tolosar musikaria 2025ean kaleratutako ‘Bizitza Eztia’ diskoaz eta ordutik gertatu zaion guztiaz arituko da, Tabakaleran.

Gaztea gure artisten unibertsoan murgilduko da, hilean behin, Tabakalerarekin elkarlanean egingo diren saio berezietan

Lehen gonbidatua Niña Coyote eta Chico Tornado taldea izango da. Urtarrilaren 31n izango da, Tabakalerako Ikus-entzunezkoen Laborategian. Ainhoa Vitoriak gidatuta, ekitaldia doakoa izango da, aforoa bete arte, baina gonbidapena erreserbatu beharko da.

Publizitatea