“Dida!”, astelehenetik ostiralera, 7:00etatik 11:00etara
Julen Telleria, Andrea Aranburu, Antton Telleria eta Jon Gotzon Aldaparenarekin egingo ditugu goizeko lehen orduak, "Dida!"n. Eguna martxan jartzeko beharrezko guztia emango digu laukoteak: albisteak, musika, zozketak eta, batez ere, umore ona.
Joxe Mari Apolaza, Jokin Pinatxo, Flako Fonki, Onintza Enbeita eta Alain Ibarra izango dituzte bidelagun, baita kurtso berrirako fitxatutako beste hainbat kolaboratzaile: Exploraciones Txomin arkeologiaz eta Euskal Herriko historiaz arituko da, Eneko Eizagirre Gantetik sartuko da zuzenean, Hofek musikari berriak ekarriko dizkigu, Oihana Fernandez de Barrenak abeltzaintza eta nekazaritza izango ditu hizpide eta Aitziber Grados ere “Dida!”n izango da, gai librean.
Alaken izango da aurtengo goizetako lehiaketa. WhatsApp bidez izango da eta entzuleek hainbat eginkizun izango dituzte: galderak erantzun, harri-orri-ar-era jokatu, elkar nominatu… Gainera, nobedade gisa, musika deskubritzeko bi atal berri prestatu dituzte: ‘Puntxiskatxis’ eta ‘Tralalero Tralala’.
Igandeetan, asteak emandako onena izango duzue entzungai 11:00etatik aurrera, “Dida! Laburpena” saioan.
