ØDEI: “Harriduraz bizi izan dut beti nola gaztelaniaz egindako punka euskal musika izan litekeen, eta euskaraz egindako rapa ez”

ØDEI musikariak 'Goizegi hiltzeko' izeneko lana aurkeztu digu 'B Aldea'n. Diskoaz gain, rapak Euskal Herrian duen lekuaz eta folklorearen berreskurapenaren arriskuez aritu da artista.

Erredakzioa

2025/04/15 - 12:37

Azken eguneratzea

2025/04/15 - 12:57

Goizegi Hiltzeko diskoa aurkeztu digu ØDEI artistak, kaleratu eta hilabetera, “B Aldea”n.

Ohiko trap eta drill ilunari eutsita, Terapia lanean baino letra garratzagoak aurki daitezke lapurtar musikariaren lan berrian: “Aurrekoa barne lan bat izan zen, pasa behar nuen orri bat. Eta lan hori eginda libreago sentitu naiz, eta askatasun horretan etorri zaizkit gauza aski gordinak, garratzak, amorruzkoak…baina bada maitasuna ere, bada nonbait maitasunezko amorru bat, askotan”.

Estiloari dagokionez, askotan nahigabe bada ere, rapero purista dela dio artistak. “Purista naiz, baina ateak zabalik uztea ere maite dut. Kolaborazio anitzak egiten ditut, maite dut kolaboratzea, baina maite dut kolaboratzea diskotik kanpo. Egia da diskoan raparen ortodoxia atxiki nahi dudala”, azaldu digu. Pertsona eta pertsonaiaren arteko balizko distantziaz galdetuta, txikia dela dio musikariak: “Aski zintzoa naiz nire rap pertsonaiarekin; ez naiz ikusten diruaz edo, frantziar rapero askok egiten duten moduan, armez hitz egiten; ez direlako nire egunerokoa”.

Rapak Euskal Herrian duen presentziaz ere aritu da ØDEI. Honen ustez, rapari ez zaio inoiz benetako tokirik egin euskal eszenan. “Frantziar Estatuan, adibidez, musika estilo entzunena da rapa. Uste dut Euskal Herrian sekula ez dela horretarako lekurik egin. Esaten da oso adi entzun behar dela, ez dela erosoa. Uste dut belarriak ez direla egin, eta belarria ez badugu egiten zaila da sartzea. Uste dut, nonbait, belarriaren heziketa kontua ere badela”, azpimarratu du.

Bere burua bakarlari gisa aurkezten duen arren, lantalde handi baten laguntza du zuzenekoetarako: “ØDEI nire rapero izena da, nik produzitzen ditut kantak, nik egiten ditut letrak, baina ekipo oso bat gara, familia oso bat goaz zuzenekoetara. Oholtzan lau kide gara, eta oholtzatik kanpo argi eta soinu teknikariak, laguntzaileak…”.

Albiste gehiago, 'B Aldea'n

Labar: “Arauan ez dagoen gorputz guztiei pasatzen zaien bezala, gainkonpentsaziora jo dut musikan nire presentzia justifikatu ahal izateko”

Donostiar artistak ‘Bitxiloreak Txerriei’ izeneko bilduma berria ekarri digu “B Aldea”ra. Euskal eszenaren errealitateaz eta aktibismo politikoa eta musika uztartzeaz aritu gara.

Sua, “Sutea” kantaz: “Gure ahotsa munduan gertatzen den hori salatzeko erabili nahi dugu”

Bizkaitar bandako Ane Barrenetxea taldekidea “B Aldea”n izan da. "Sutea", Palestinako genozidioaren inguruko abestia, aurkeztu digu.

Euskoprincess: “Musika urbanoko emakumeek gure mezua entzutea nahi badugu argi hitz egin behar dugu, bestela neska guapa bat baino ez zara”

KAK!! talde berriak “Ahaztu” izeneko singlea aurkeztu digu

Etxahun Arregi taldekidea “B Aldea”n izan da, eskuartean duten proiektu berria hizpide.

ALAI eta Juanta Torri, Azealia Banks ‘deskantzelatzeko’ arrazoiez

'Diva problematikoen' zerrendako izarretako bat da estatubatuar musikaria. 'B Aldea'ko bi kolaboratzaile estreinakoz elkartu dira estudioan, Azealia Banks maitatzeko arrazoiak emateko.

Dekot: “Euskal eszena ez da eszena bat, feudalismoa baizik”

Dekoten disko berria, Axis Mundi, aurkeztu digu Ibai Ayerza musikariak. Taldearen aro berriaz aritu da ‘B Aldea’n.

Soundcloudeko traperoaren bilakaera: periferiaren malenkoniatik TikTokeko kodigoetara

Kattalin Barcenak soundcloud trap delako raparen adarra izan du hizpide “B Aldea”n. Korronte honen lehen eta bigarren belaunaldien arteko ezberdintasunez aritu da.

MIIN proiektua ezagutzen, “OKERRERA JUTEN BADA” izeneko lehen kantaren bidez

Xabi Seoaneren (SAD taldeko kidea) bakarkako proiektua da MIIN. Zertan datzan azaldu digu “B Aldea”n.

Arcaren obra: opera elektronikoa, venezuelar lapikoak eta identitate queer ez bitarra

Venezuelar ekoizlearen ibilbide oparoaren aroez aritu zaigu Alai Ormazabal, ‘B Aldea’n.

‘Hotel Morgan’: Furgoneta bidai bat Norvegiara, eta hotel bat, disko koloretsu baten metafora gisa

Morgan bandako Ekain Elorza ‘B Aldea’n izan da, ‘HOTEL MORGAN’ izeneko disko berria aurkezten.