ZEIDFEST Gaztea 2025: giro paregabea eta denetariko eskaintza, jaialdiaren laugarren edizioan

AEKko lagunek ireki dituzte Bizkaia Arenako ateak, 11:00ak aldera. Eskusoinua, danbolina eta txistuaz alaituta egin dute jaialdiko aterako bidea, eta Euskal Herriko gunerik erdaldunetan euskara ikasten ari diren ikasleak omendu dituzte irekiera diskurtsoan.

Betagarriren eskutik entzun ditugu eguneko lehen notak, AAZTIYEN oholtza nagusian. Egungo eta iraganeko zaleez inguratuta, bandaren hit guztien errepasoa egin dute Iñaki Ortiz de Villalba. Eguerditik aurrera, giro zoragarriak jarraitu du Bizkaia Arenan. Elektropottote, Isabel Aaiun eta Zilibito Recordsek erritmo eta energiaz bete dute BEC.

Bitartean, Eñaut Elorrieta, Maixuxen alabak, Erramun Martikorenak eta La Mariak emozioak piztu dituzte, giro goxo eta hurbilekoan, Azokako Plazan, kontzertu akustikoekin entzuleen bihotzak irabaziz.

Gaztearen gunea

Egunean zehar gertatzen joan den guztia kontatu dizugu Gaztean, jaialdiaren sarreran jarritako set berezian. ZEIDFEST Gaztean jo duten artistak, jaialdiko hainbat gonbidatu eta Pello Reparaz jaialdiaren antolatzailea ere igaro dira gure mahaitik.

Lau orduko zuzenekoa bukatuta, Alexander Padillak eta Oizeder Mayok San Bingo Musikalari eutsi diote, jendez inguratuta. Kartoiak minutu gutxian agortu dira, eta adin guztietako publikoaren harrera paregabea izan du.

17:30 aldera hasi da goraino beteriko SÜNEren kontzertua. Gipuzkoar artista energiaz lepo agertu da oholtzara; eta, abesteaz gain, trikitixa eta gitarra jo ditu, AMAINEMAN diskoko abestiekin osatutako errepertorioan.

Iluntzea iristearekin batera Zea Mayseko lagunek hartu dute agertoki nagusia. Zuzeneko guztian zehar publikoaren energiari eustea lortu duten arren, bereziki zirraragarria izan da “Elektrizitatea” abestia jo duten unea. Izan ere, kantaren 25. Urteurreneko bertsioan parte hartu duten emakumeetako asko oholtzara igo dira, Aiora Renteriaren atzetik kantatzeko. 

Jaialdiaren gero eta bizitasun gehiago hartuz joan da, eta Kai Nakaiek bozgorailuak topera jarri ditu reggaetoi doinuekin. Jarraian iritsi da Crystal Fighters kartel buruen txanda. ZETAK eta Merina Gris euskal artistak gonbidatu dituzte taula gainera, britainiar taldeak ohiko duen erritmo tradizional eta garaikideen fusioa beste maila batera igoaz. 

Jaialdia hasi denetik ordu asko igaro badira ere, jendeak gogotsu jarraitu du Ingot eta Iseo & Dodosound taldeek eskainitako erritmora dantzan. Aurtengoa bukatzeko, Akerbeltz erromeriak (ARALARKO DAMA oholtza) eta Duplak itxi dute gaua, abestiak hasieratik bukaerara kantatu dituen publikoarekin.