San Bingo Musikala, Gaztearen eskutik, ZEIDFEST Gaztean

Alexander Padillak bingo musikatua egingo du, ZEIDFEST Gaztean, 17:15etik aurrera. Doakoa izango da eta bingoa eramaten dutenek ZEIDFEST Gazteako material sorta irabaziko dute.

Erredakzioa

2025/04/03 - 12:46

Azken eguneratzea:

2025/04/03 - 13:13

ZEIDFEST Gaztean musikaz, magiaz, umoreaz eta bingoaz gozatzeko aukera izango da larunbatean. Gazteako zuzeneko saio berezia bukatu ostean, 17:15etik aurrera, Alexander Padillak San Bingo Musikala egingo du, gure set berezian (Bizkaia Arenako sarreran).

Gerturatzen duen orok izango du bingorako kartoia doan eskuratzeko aukera (bukatu arte). Bingoa hasita, abesti bakoitzari lotutako abesti bat entzungo da, eta elkarrekin kantatzeko aukera izango dugu. Partida irabazten dutenek ZEIDFEST Gazteako produktu sorta bat eramateko aukera izango dute. Bi pase egingo dira: 17:15ean lehena eta 18:15ean bigarrena.

Lau orduko saio berezia

Gazteak bi zatitan banatutako lau orduko saio berezia egingo du ZEIDFEST Gazteatik zuzenean. Apirilaren 5ean, Bizkaia Arenan gertatzen den guztiaren berri emango dizuegu, 13:00ean hasi eta 17:00ak bitarte.

Andrea Aranburu, Ibon Fernandez eta Maite Garmendia izango dira lehen saioko gidariak. ZEIDFEST Gazteako karteleko artistak elkarrizketatzeaz gain, jaialdiaren lehen orduen berri emango digute, 13:00ean hasi eta 15:00ak arte. Julen Telleria, Jon Gotzon Aldaparena eta Ainhoa Vitoriaren eskutik egingo dugu eguneko bigarren saioa, 15:00etatik 17:00etara. Bi programak irrati bidez eta streamingez (Gaztearen YouTube kanalean eta webgunean) jarraitzeko aukera izango duzue.

Saioez gain, gure sareetako lantaldea ere bertan izango da. ZEIDFEST Gazteako giroaren berri emango dizuegu Instagram, Twitter eta TikTok bidez.

ZEIDFEST Gazteako albiste gehiago

ZEIDFEST Gazteako gida: ordutegiak, eszenatokiak, eskumuturrekoak eta nola iritsi

Gazteak lau orduko saio berezia egingo du, ZEIDFEST Gazteatik zuzenean

Eguerdiko 13:00ean hasita, Bizkaia Arenan gertatzen den guztia kontatuko dizuegu, irrati eta streaming bidez.

Artista hasiberriek ZEIDFEST Gaztean jotzeko aukera izango duzue, 'ZU?' lehiaketari esker

16 urtetik gora badituzu eta abesti propioak badituzu, aurtengo ZEIDFEST Gaztean jotzeko aukera duzu. Grabatu bideo bat, formatu akustikoan jotzen, eta aipatu @zeidfest_gaztea eta @gazteairratia.

ZEIDFEST Gaztea 2025: akustikoentzako hirugarren oholtza bat eta talentu berriak bultzatzeko lehiaketa

Erramun Martikorena, Eñaut Elorrieta eta La Mari artistak arituko dira, besteak beste, akustikoentzat sortutako oholtza berezian. Gainera, ZETAK Crystal Fightersen zuzenekora batuko dela iragarri dute.

SÜNE, Dupla, Kai Nakai, Joselu Anaiak eta Akerbeltz, ZEIDFEST Gazteako kartelera

11:00etan irekiko dituzte BEC!eko ateak, apirilaren 5ean. Iragarpen berrien artean, umore ikuskizun bat gehitu dute kartelera: Ana Goitiaren bakarrizketa. Aurretik iragarritako Zea Mays, Iseo & Dodosound, Isabel Aaiún, Crystal Fighters, Zilibito Records, Gregotechno, Betagarri eta Sorotan Belek ere izango dira 2025eko ZEIDFEST Gaztean.

Zilibito Records, Zea Mays, Isabel Aaiún eta Gregotechno, ZEIDFEST Gazteako kartelean

Crystal Fighters, Iseo & Dodosound eta Betagarriri aipatutako hiru izenak batuko zaizkie. Apirilaren 5ean elkartuko dira artista guztiak, eta iragartzeke dauden beste asko, Barakaldoko BEC!en.