Sareetan ikusia: LODVGen Donostiako kontzertu bikoitza, Gasteizeko jaien hasiera eta Metrika eta Leire Martinezen elkarlana

Asteburuan, Donostia musikaz busti da, La Oreja de Van Goghen kontzertu bikoitza eta Glad Is The Day jaialdiaren baitan.

2026/08/03 - 11:46

Azken eguneratzea

2026/08/03 - 11:46

La Oreja de Van Goghek BEC!en abiatu zuen Amaia Montero bandako jatorrizko abeslaria atzera taldera ekarri duen bira, maiatzaren 9an. Ordutik, Madril, Sevilla eta Murtzian jo dute, eta azkenean iritsi zaie etxean jokatzeko aukera. Asteburu honetan, donostiar bandak Illunbe bete du, bi egunez, azken hogei urteetako arrakasten errepertorioa joaz. Orain arte ikusitako showetan abestutako kantez gain, zaleak ezustean harrapatu zituen abestia kantatu zuen Monterok: Ken Zazpiren “Ilargia”.

Gipuzkoako hiriburutik atera gabe, igandean, Glad Is The Day jaialdiaren hamargarren edizioa ospatu da. Eguzkiak bustitako egun osoko programazioren baitan, Maruxak, Amaia Yaniz, Perfecto Miserable eta Somadamantina zuzenean ikusteko aukera izan dute Kristina Enea parkera gerturatu diren lagunek.

Leire Martinez eta Metrika elkarrekin, “Rosas”en bertsio berezia abesteko

Burrianan (Castelló), Arenal Sound jaialdiaren hamaseigarren edizioa ospatu dute asteburuan. 240.000 pertsonatik gora bildu dira bertan, Maria Becerra, Myke Towers, Cali y el Dandee, Delaossa, Ana Mena eta beste hainbat artista zuzenean ikusteko.

Aipatutako izenez gain, ostiralean, Leire Martinez errenteriar abeslariak jo zuen. Honen kontzertuan, aurtengo Arenal Soundek utzitako kolaboraziorik bitxiena ikusi genuen: Metrika gonbidatu zuen oholtzara, La Oreja de Van Goghen “Rosas” kantaren bertsio gaurkotua elkarrekin kantatzeko.

Iñigo Etxezarreta, Gasteizko jaietako pregoilari

Gasteizko jaien atarian, Iñigo Etxezarreta ETSko abeslaria izan da aurtengo Andre Maria Zuriaren festetako pregoia emateko arduraduna. Arabar hiriburuko Plaza Berriko oholtzara igo da musikaria, eta honako hitzak eskaini dizkio publikoari: “Aitortu behar dizuet Zeledon jaisten den bakoitzean hemengoa izateaz are harroago sentitzen naizela”.

Gainera, elkar zaintzearen garrantziaz aritu da, festetan lanean aritzen diren pertsonei eskerrak eman dizkie eta euskararen aldeko aldarria egin du musikariak. Bukatzeko, Maider Etxebarria hiriko alkateak jaietako zapia jantzi dio. Ekitaldi ofiziala bukatuta, ETSko buruak “Zurekin Batera” kanta jo du, Oreka TX taldearekin batera.

Iragarkia

18:00 - 20:00

Albina Stardust eta Danelen ezkon-hitza

Udako albisteetako batekin harritu gaituzte Danel Galdaera eta Albina Stardustek osatutako bikoteak: ezkongai eraztunak oparitu dizkiote elkarri. Ezkontzaren inguruko berririk ez dugun arren, euskal musikari, aktore eta eduki sortzaileen zorion mezuez bete zaie Instagrameko argitalpena.

Zure interesekoa izan daiteke

Hamaika aurpegi ezagun, Ainhoa Etxebarria Gazteako esatari ohiaren ezkontzan

Ondarroar aktore eta kazetaria maiatzaren 9an ezkondu da, Itziarreko Salegi jatetxean. Aktore, musikari eta influencerrak izan ditu gonbidatu, eta ospakizunak utzitako une batzuk gorde ditugu Gaztean.

Studio Ghiblik jasoko du Komunikazio eta Giza Zientzien Asturiasko Printzesa Saria

Hayao Miyazakiren zine estudioak sortu ditu ‘Chihiroren bidaia’, ‘Gaztelu ibiltaria’ eta japoniar animazioaren ikur bilakatu diren beste hainbat film.

ETSk ‘La Revuelta’ko platoa herriko plaza bilakatu du, zuzeneko musika, buruhandi eta zapìekin

ETS taldeko kideak David Broncanoren saioan izan dira, eta publikoa herriko jaietako giroan murgildu dute, “Aukera Berriak”en zuzeneko ikusgarriarekin.

Euskal eduki sortzaileak lehen aldiz elkartu dira asteburu honetan, Donostian

25 lagun inguru bildu ziren, eta asteburu osorako edukia eman digute. Bertan izan ziren protagonistetako batzuekin hitz egiteko aukera izan dugu Gaztean.

Itzalaldiak Euskal Herrian utzitako une bitxiak: Igeldoko suitzar mendia, igogailuak, ibaia igerian zeharkatzea eta Artxandako funikularreko bidaiariak

Iberiar Penintsulan gertatutako itzalaldi elektriko historikoak irudi bitxiak utzi ditu sare sozialetan.

Kalimotxoa, Lady Gagaren edari gustukoena

Musikariak Vanity Fairen bideo batean aitortu duenez, bere edari gustukoena ardoa, kola edari lighta eta gerezien arteko nahasketa da.

Sareetan ikusia: Taylor Swiften disko berria eta Kneecapeko Mo Chara Donostiako Aste Nagusian

Irlandar rap bandako kideak La Txama taldeko musikariekin argazkia atera zuen bart, Donostiako jaietan, Flamenka guneko kamerinoetan.

Fermin Muguruza 40 urteko ibilbidea ospatzeko biran

Sareetan ikusia: Zeledon eta Fermin Mugurzuna “Sarri Sarri” abesten eta Tokischak Donostian igarotako egunak

Andre Maria Zuriaren jaietan jo du Fermin Muguruzak, eta Zeledon gonbidatu du oholtzara. Elkarrekin kantatzeaz gain, arrazakeriaren kontrako mezu bat zabaldu dute.

Publizitatea