ETSk ‘La Revuelta’ko platoa herriko plaza bilakatu du, zuzeneko musika, buruhandi eta zapìekin

ETS taldeko kideak David Broncanoren saioan izan dira, eta publikoa herriko jaietako giroan murgildu dute, “Aukera Berriak”en zuzeneko ikusgarriarekin.
author image

Erredakzioa

2026/03/03 - 09:19

Azken eguneratzea

2026/03/03 - 09:19

ETSko kideak TVEko ‘La Revuelta’ saioan izan dira gonbidatu. 21 urteko ibilbidearen laburpena egin diote David Broncano saioko aurkezleari. Kaleratu berri duten KONKISTA diskoa aurkezteaz gain, Madril eta Bartzelonan emango dituzten kontzertu bereziak izan dituzte hizpide.

Horrez gain, euskaraz abesteko hautuaz eta euskal kulturak bueltan eman dienaz aritu da Iñigo Etxezarreta taldeko burua. Elkarrizketa laburra bukatu aurretik, oparien unea iritsi da: ETSko kideek KONKISTAren ale bat, denentzako zapiak eta Broncanoren aurpegia duen buruhandi bat eraman dute saiora.

Bukatu aurretik, ‘La Revuelta’ko jaien pregoia botatzeko eskatu diote aurkezleari. “Gora ‘La Revuelta’ko jaiak” esan eta jarraian lehertu da festa: ETSko kideek “Aukera Berriak” jo dute, txarangarekin, publikoa hankaz gora jarrita.

Publizitatea
X