Gaztea Kabianek bigarren denboraldia abiatuko du irailean, HOFE eta Jimena Amarilloren arteko elkarlanarekin

Bi artistak estreinakoz elkartu dira Gaztearen ekimenari esker, eta “Panpin bat bezala” izeneko kanta sortu dute Orozkoko Artiñano etxean. Kanta asteon estreinatuko dugun arren, atala irailean izango da ikusgai.

18:00 - 20:00

Erredakzioa

2025/07/01 - 16:38

Azken eguneratzea

2025/07/01 - 16:38

Gazteak Kabian ekimenaren bigarren denboraldiari ekingo dio irailean. HOFE eta Jimena Amarillo musikariak izango dira lehen ataleko protagonistak. Orozkoko Artiñano etxean bilduko dira bi musikariak, elkar ezagutu eta musika sortzeko.

20 minutu inguruko piezan, bi artistek elkar ezagutzen duten unetik abestia bukatzen duten unera arteko bidea erakutsiko da. Tartean, artista bakoitzak sorkuntzarekin duen harremanaz eta euren arteko elkarrizketez gozatzeko aukera izango da. Elkarrekin sortuko duten abestiaz gain, talde edo bakarlari bakoitzaren kanta bana ere entzungo ditugu Kabianen ataletan.

Iraileko lehen saioaren atariko gisa, elkarrekin konposatu duten kantaren bideoklipa uztailaren 2an estreinatuko da, Gaztean.

“Panpin bat bezala”, HOFE eta Jimena Amarilloren arteko elkarlana

Udako maitasun istorio bat da “Panpin bat bezala” kantaren abiapuntua. Bi artisten musikan ohikoak diren samurtasun eta kostunbrismoaren ildotik sortu dute abestia, poparen bidetik. Jimena Amarillok ekoitzi du abestia, eta hori gutxi balitz bezala, euskaraz kantatzen entzungo dugu valentziar artista, estreinakoz.

Zure interesekoa izan daiteke

Uda honetan irakurri, entzun eta ikusteko sei gomendio, Gaztearen eskutik

Herri eta hirietako jaiez gain, denbora libreaz gozatzeko unea izaten da abuztua. Tarte horietan irakurri, ikusi edo entzuteko zerbait behar baduzu, hona Gaztearen gomendioak.

“Linbo”ren azken atala: Olatz Salvadorren musika taberna irekitzeko, euskal twerka eta Antton Telleriaren txaranga festari bukaera emateko

Saioaren denboraldiko azken atalean, Olatz Salvador eta Antton Telleria hartu ditu Aitziber Gradosek. Linboko jaiak ospatu dituzte, kolaboratzaileekin, Hernaniko Buruhandiekin eta Jainekin txarangarekin.

Malen Altuna elkarrizketatu rolean eta Kilikiren amaren telebistarako saltoa, ‘Linbo’n

“Iltze 1” abestia zuzenean kantatu du nafar artistak. Gainera, Malen Altunak erreportari gisa bizi izan dituen unerik bitxienak kontatu dizkigu.

Aner Peritz eta Aissa Intxaustiren ametsetako hiletak eta HOFEren armairua, “Linbo”ren zazpigarren atalean

Gainera, Danel Galdaera, Maialen Sorzabalbere eta Luix Mitxelena kolaboratzaileak igaro dira saioko sofatik.

Kirola, komediaren gakoak, Jone Laspiurren dortokak eta 30en krisia, ‘Linbo’ren azken atalean

Iñigo Vicens kirol prestatzailea eta Jone Laspiur aktorea gonbidatu dituzte saioaren hirugarren atalera.

Nerea Ibarzabal umoregilea eta La Txamaren Pokemon bilduma, ‘Linbo’ren bigarren atalean

La Txama musika taldea eta Nerea Ibarzabal bertsolariez gain, Luix Mitxelena eta Maria Blanco kolaboratzaileak hartu dituzte ‘Linbo’ saioaren bigarren alean.

IDOIA eta Aitziber Garmendiak estreinatu dute ‘Linbo’, ikus-entzuleen harrera beroarekin

Estreinatu da ‘Linbo’, Hiru Damatxok ETBrentzat sortutako 'late night' saioa. Ordubeteko tartean, umorea, musika eta kolaboratzaile festa galanta eskaini dute.

Ostegun honetan estreinatuko da ‘Linbo’ gazteentzako umore saioa, ETB1en

Aitziber Garmendia eta IDOIA izango dira Euskal Telebistako saio berriko lehen gonbidatuak. Aitziber Gradosek aurkeztuta, 22:25ean ekingo diote lehen atalari.

Publizitatea