Gazteak Durangoko Azokako saio berezia egingo du, Landakotik zuzenean, abenduaren 5ean

17:00etan hasi eta 20:00ak bitarte, Alain Perez, Maite Garmendia eta Liher Larrañagak azokako lehen egunaren berri emango digute, zuzenean.

Erredakzioa

2025/11/27 - 13:59

Azken eguneratzea

2025/11/27 - 13:59

Durangoko Azokaren lehen egunean, abenduaren 5ean, Gazteak saio berezia egingo du Landakotik. 17:00etan hasi eta hiru orduz, Alain Perez, Maite Garmendia eta Liher Larrañagak azokaren berri emango dute, zuzenean.

Aurtengo musika nobedadeak aurkezteaz gain, artistekin egoteko aukera izango dute. Izan ere, Durangoko Azokan irratirako prestatutako txokotik igaroko dira, besteak beste, Aimarz, Neomak, Sua, Burutik eta Sara Zozaya. Gainera, Aurtengo Maketa Lehiaketako irabazleek, GAR taldeko kideek, irekiko dute saio berezia. Euskal kulturaren plazaz gain, taldekideen sorterria ere bada Durango, eta bertan aurkeztuko dute euren lehen diskoa.

Saioa irrati bidez izango da entzungai, baita Gaztearen webgunean eta GUAU plataforman ere. Sare sozialetako lantaldea ere bertan izango da, Instagram, TikTok eta X bitartez Durangoko Azokako giroaren berri emateko.

Zure interesekoa izan daiteke

Durangoko Azoka 2025: Ahotseneko kontzertuen ordutegia, egunez egun

Lukiek, Mirua, Sara Zozaya, Nhil, Naxker, Ødei, Silitia, Bele eta Esanezinek kontzertua eskainiko dute Plateruenan. Durangora gerturatzerik ez baduzu, Gaztearen webgunean Ahotseneko emanaldiak zuzenean ikusteko aukera izango duzu.

Berbagailua eta Atartea guneak estreinatuko ditu Durangoko Azokak, podcasten eta Arte Ederren plazak

60. edizioan, 285 erakusmahaitan paratutako 1.000 nobedadetik gora, inoiz baino gehiago, eta 273 ekitaldi eskainiko ditu DA Kulturaren Jaialdiak. Egitarau osoa iragarri dute, gaur, Landakon.

ZuNonHanDA! azoka ibiltariak Durangoko Azoka zabalduko du

Azaroaren 17tik abenduaren 4ra, Durangoko Kulturaren Jaialdia hasteko bezperara arte, 22 liburu aurkeztuko dituzte Euskal Herriko 19 liburu dendatan. Lehenengoz, Azoka egin aurretik egingo dute ZuNonHanDA!, bost aldiz haren ondoren egin eta gero.

Beñat Gaztelurrutia Durangoko Azokaren 60. edizioaren egitarauaren aurkezpenean.

"Denetariko 1.026 nobedade aurkeztuko dira Durangoko Azokan"

175 partaidek 285 erakusmahai jarriko dituzte Landakon aurten, Beñat Gaztelurrutia Durangoko Azokaren koordinatzaileak gaur aletu duenez.

Publizitatea