Gaur estreinatuko da "Zulora", klima larrialdiaren inguruko saioarekin

Gaztearen eztabaida saioa hil bukaeran bueltatuko da hainbat berrikuntzarekin. Bigarren denboraldi honetan, Leo Bueriberi eta Antton Telleria ere izango dira "Zulora"n.

Klima larrialdiaren inguruko "Zulora"

B. F. | EITB Media

2022/09/19 - 12:43

Azken eguneratzea

2022/09/27 - 14:54

"Zulora" saioaren bigarren denboraldia gaur hasiko da klima larrialdiaren inguruko saioarekin. Hortik aurrera, eztabaida saioa hamabostean behin izango da ikusgai, asteazkenetan, Gaztearen YouTube kanalean.

Aurreko denboraldian bezala, Ane Zuazubiskarrek gidatutako saioak hainbat gazte gonbidatuko ditu platora, gaurkotasuneko gai korapilatsuak hizpide. Besteak beste, euskalgintzaren krisia eta metabertsoa izango dira bigarren denboraldiko sei ataletako gaiak.

Ane Zuazubiskar. EITB Mediaren bideo batetik ateratako irudia

18:00 - 20:00

Berritasunei dagokienez, bi izen: Leo Bueriberi eta Antton Telleria. Lehenak saioko gaia estutzeko helburua izango du, bere begirada zorrotzaz baliatuta. Gazteako esatariak, ostera, fikziozko pertsonaia bat sortu du denok barruan daramagun ahots atzerakoia ordezkatzeko.

Sare sozialetan ere nobedadeekin dator "Zulora", Instagram eta Twitterrez gain, TikTokeko profila ere sortu baitute.