Tatta, “Barrezka”ri buruz: “Musikalki buelta bat eman diogu, soinu gordinagoekin egin dugu lan”
Malakiasekin elkarlanean egindako "Barrezka" aurkeztu digu musikariak.
Tatta bisitan etorri zaigu “GU”n, Malakiasekin kaleratu berri duen “Barrezka” abestia aurkezten.
Kantak egunak dituen arren, dagoeneko oso harrera ona izan duela kontatu digu musikariak. “Ez dugu egin “Zure Atzetik”en bigarren zati bat, musika aldetik buelta bat ematen saiatu gara, ez da hain Malakias”, azaldu du Tattak. Izan ere, baliabide elektronikoak alde batera utzi ez dituzten arren, musika tresnen aldeko apustua entzun dute, rocketik gertuago dagoen kanta bat ontzeko.
Durangoko Azokan Malakias MX3 (Maixa, Malakias eta Makala) eta Etxepeko lagunekin elkarbanatuko du standa Tattak. Bertan “Barrezka”ren merchandisinga, abestiaren remix berri bat eta “Zure Atzetik”en lehen bertsioa izango dira eskuragarri.
Tatta zuzenean ikusteko hurrengo aukera Arrasaten duzue, azaroaren 30ean, Palestinaren alde lanean ari den elkarte baten dirua biltzeko egingo duten kontzertu sorta solidarioan.
