“O de Tualet”: Etxeperen “Etxeperreo” disko berriaren aurrerapena

Etxepe kolektiboan ospea irabazi duen arren, Fanek aspaldi ekin zion bakarkako ibilbideari. Orain, Anixe arrebarekin kaleratu du "O De Tualet" izeneko abestia.

Kanta estreinatu eta astebetera, harrerarekin pozik daudela kontatu digu artistak "Gu" saioan. Kanta sortzeko unean, etxean egin dute gehiena, bertan duten grabatzeko ekipoarekin.

Single gisa kaleratu duten arren, udan etorriko den Etxeperen "Etxeperreo" diskoaren aurrerapena da "O De Tualet". Kolektiboaren lan berrian aurkituko dugunaz galdetuta, reggaetoia eta afrobeata topatuko ditugula aurreratu digu Fanek, baita inguruko artisten hainbat kolaborazio ere.