Barakaldoko ezinbestekoak, Soy Una Pringadarekin

Esti Quesada, Soy Una Pringada, Donostian izan da, Crossover Series Festival jaialdiaren aitzakian. "GU" saioan sartzeko tartea hartu du youtuberrak, eta azkenaldian zertan dabilen kontatu digu.

Besteak beste, telesailez aritu gara Estirekin. Azkenaldian gehien gozatu duenaz galdetuta, Prime Videon ikusgai dagoen Swarm aipatu digu.

YouTubera igo dituen azken edukiez ere galdetu dio Maite Garmendiak. Tartean, AEBra egindako bidaia eta Barakaldoko Gurutzeta auzotik egindako 'trauma tour'ra izan dituzte hizpide. Azken honetan, jaio zen auzoko lekurik traumatikoenak gogoratzen ditu youtuberrak: ikasi zuen eskola, bizi zen etxea, auto batek harrapatu zuen zebrabidea…