20 urte ez dira egunero betetzen. Zer gertatuko da Gatiburen BECeko kontzertuan?

Gatibu taldeak azaroaren 13an BEC betetzeko erronka jarri dio bere buruari. Zita berezi horretarako hainbat musikari gonbidatu dituzte, Alex Sarduik "Gu"n aurreratu digunez.

Taldearen 20 urteko ibilbidea ospatzeko egingo duten kontzertu erraldoi honetako hainbat xehetasun eman dizkigu Sarduik: bi ordutik gorako emanaldia izango da eta azken unera arte ez dute emango gonbidatuen berri.

Gainera, taldearen ibilbideko une gogoangarrienez aritu da Sardui. Unerik onenaz galdetuta, hirugarren diskoko aurkezpenaren bizipena bereziki gozoa dela kontatu digu abeslariak.