Zurekin ez, ezta zu gabe ere, Sukenaren “Ahots Hura” abesti berrian

Sukena taldeko kideek “Ahots Hura” abestia aurkeztu digute, primizian, “Dida!”n. Bideoklipa ere esklusiban duzue ikusgai dagoeneko, Gaztearen webgunean.

“Gizaki orok duen barne borroka” jorratzen du oñatiar bandaren abesti berriak. Zehazki, horrela azaldu digu Naia Herraez taldekideak: “Askotan, badakizu inguruan duzun zerbaitek gaizki egiten duzula baina ezin duzu hortik atera”.

Hainbat hilabetez isilik eta lanean jardun ostean, zarata apur bat egiteko unea iritsi zaie Sukenako kideei. Kanta berriaren kaleratzearekin batera, negu eta udaberriko bira oparoari ekingo diote hainbat plaza handitan (40 Minutu Rocken, Jimmy Jazzen eta Bilboko Kafe Antzokia, besteak beste).