EZEZEZen era berrian murgildu gara, "puntofinal" singlea estreinatuta
Taldeko Unai Madariagak euren single berria aurkeztu digu, primizian, "B Aldea"n. Datorren diskoaz ere aritu gara.
EZEZEZ taldeko Unai Madariagak “puntofinal” kanta aurkeztu digu, primizian, “B Aldea”n.
Duela urtebete kaleratu zuten Katuzaldia diskoa, eta ordutik batetik bestera ibili dira musikari bizkaitarrak: “Diskoak ate asko ireki dizkigu, bai kritika aldetik baita publikoaren aldetik ere".
“puntofinal”i dagokionez, gure nortasunaren inguruko hausnarketa egin du bandak. Honakoa kontatu digu Madariagak: “Identitatearen konfirmazioaz ari gara, bakoitzaren nortasuna besteen begietatik ikusteaz”. Martxoa aldean aterako dute euren hurrengo diskoa, EZEZEZeko kideak aurreratu digunez.
