Amaia Miranda: "The Beatles, Wilco eta Joni Mitchellen demoen freskotasunaren bila joan naiz disko honetan"

Amaia Miranda bilbotar musikaria "B Aldea"n izan da, "Cuando Se Nos Mueren Los Amores" izeneko bere lehen diskoa aurkezten.
18:00 - 20:00
Amaia Miranda: "The Beatles, Wilco eta Joni Mitchellen demoen freskotasunaren bila joan naiz disko honetan"
author image

Erredakzioa Gaztea

2022/03/14 - 11:13

Azken eguneratzea:

2022/03/14 - 11:13

Amaia Mirandak bere lehen bakarkako lan luzea kaleratu du: "Cuando Se Nos Mueren Los Amores".

Gitarrajole bezala, Amaia Romero, Queralt Lahoz eta beste hainbat artista garrantzitsuekin egin du lan musikari gazteak. Duela bi urte, baina, bakarkako bideari ekitea erabaki zuen bilbotar artistak.

Erreferenteengatik galdetuta, The Beatles, Wilco eta Joni Mitchellen demoek asko inspiratu dutela azaldu du Mirandak.2020ko urria eta 2021eko martxoa bitartean grabatu du diskoa, hainbat etxetan. Prozesu luzean zehar, soinu organikoen bila aritu dela esan du artistak. Bilaketa horretan, abestiak zuzenean grabatzeko hautuaren egin zuen.