22 urte ditu, tronbonista da eta, Goya Sarien aurretik, ez zuen C Tangana ezagutzen: nor da Rita Payes?

Izaro Andresek Rita Payes kataluniarraren musika ekarri du “B Aldea”ra. Payesek 2022ko Goya sarietan abestu du, C Tanganarekin batera.
Rita Payes
18:00 - 20:00
22 urte ditu, tronbonista da eta, Goya Sarien aurretik, ez zuen C Tangana ezagutzen: nor da Rita Payes?
author image

Erredakzioa Gaztea

2022/02/16 - 09:54

Azken eguneratzea

2022/02/16 - 09:54

Rita Payes Roma kataluniar musikaria momentuko artistetako bat da. Payesek eta C Tanganak 2022ko Goya Sarietan elkarrekin abestu dute Te venero abestia. Horren aitzakian, Izaro Andresek Payesen musika ekarri digu "B Aldea"ra.

22 urteko abeslari eta tronbonista da Payes. Musikarien familian sortutako gazteak jazza jorratzen du batik bat. 2019an, Elisabeth Roma amarekin "Imagina" izeneko bertsioen diskoa atera zuen. Bi urte beranduago, 2021ean, abesti propioekin osatutako "Como la piel" lan luzea kaleratu zuten ama-alabek.

Bitxikeria gisa, Goya Sarietarako gonbitea jaso aurretik, C Tanganaren ezagutzen ez zuela aitortu du Payesek. Tanganak, ostera, Payes bere artista gustukoenen artean dagoela esan zuen Goya Sarien photocallean.