Cartagena eta Londres artean: MAVICA, Izaroren urteko lehen gomendioa

Marta Casanova 27 urteko murtziar musikariaren izen artistikoa da MAVICA. 2018an hasi zen musika egiten eta abestiak publikatzen. Ordutik, 'Gone' izeneko EPa eta hainbat single kaleratu ditu.

Cartagenakoa den arren, Berlinen eta Madrilen ere egin izan ditu egonaldiak MAVICAk. Egun, Londresen bizi da, eta Musika eta Produkzioa ikasten du bertan.

Ada Road eta No it's not abestiez osatutako single bikoitza da bakarlariak atera duen azken lana.