Alt-J eta Azealia Banks, Bilbao BBK Live jaialdian
Bilbao BBK Live jaialdiaren hamargarren ediziorako bost iragarpen berri egin dituzte antolatzaileek. Hain zuzen, Alt-J, Azealia Banks, Sheppard, Triggerfinger eta The London Souls taldeen zuzenekoak baieztatu dituzte gaur.
2007an jaio zen Leedsen Alt-J, eta An Awesome Wave diskoarekin egin zuen debuta 2012an. Azealia Banks, berriz, New Yorkeko Harlem auzoan hazitako rap abeslari gaztea da. Iazko azaroan egin zen ezaguna, Broke With Expensive Taste lanarekin.
Sheppardi dagokionez, Australian sortu zen seikote entzutetsua.
Bestalde, Triggerfingerrek 1998an ekin zion musika ibilbideari, eta estudioko lau disko dituzte.
Bukatzeko, The London Soulsek rock-and-roll musika lantzen du, batik bat. Led Zeppelin eta Cream taldeak inspirazio-iturri hartuta, The Beatlesen eta The Holliesen doinuak imitatzera ere ausartu dira noizbait.
Museren lan berria
Muse izan zen Bilbao BBK Liveko iturriek iragarritako lehendabiziko kartelburua. Aste batzuk geroago, Instagram bidez, disko berriaren izenburua (Drones) eman zuen ezagutzera hirukote britainiarrak.
Kontzertuak
Hauek dira orain arte baieztatutako taldeak:
MUSE
THE JESUS AND MARY CHAIN
ALT-J
BEN HARPER & THE INNOCENT CRIMINALS
COUNTING CROWS
FUTURE ISLANDS
AZEALIA BANKS
THE CAT EMPIRE
CAPITAL CITIES
THE TING TINGS
KODALINE
DELOREAN
SHAKA PONK
SHEPPARD
TRIGGERFINGER
ZOOT WOMAN
ARIZONA BABY
ZEA MAYS
THE LONDON SOULS
NOVEDADES CARMINHA
Sarrerak
Hiru eguneko bonua 115 euroan dago salgai, ohiko salmenta tokietan.
