Aukeratu 2025eko EuskArabenturaren espedizioan parte hartuko duen kidea!

15 eta 17 urte bitarteko 127 gaztek osatuko dute 2025eko EuskarAbenturaren espedizioa. Horietako bat zuek aukeratuko duzue, Gaztearen webgunean abiatutako bozketari esker.

Erredakzioa

2025/02/05 - 09:08

Azken Eguneratzea:

2025/02/05 - 11:11

EuskArabenturak eta Gazteak bat egin dute, aurten ere, uda honetako espediziora joango den gazteetako bat aukeratzeko. Zuek aukeratuko duzue hautagaietako zeinek hartuko duen parte abenturan, bozketa bidez, otsailaren 14ra arte.

Urtero legez, Euskal Herri osoko 127 gaztek gure lurrak zeharkatuko dituzte, oinez, euskara bultzatu eta bazter guztietara zabaltzeko gogoz. Iazko edizio arrakastatsuaren ostetik, inoiz baino gogotsuago dator EuskArabentura elkarteko lantaldea.

Noa Rojo, Leire Telletxea, Maddalen Etxegarai eta Irene Rubio dira aurtengo Gaztearen hautagaiak. Ezagutu eta eman gustukoenaren aldeko botoa!