Band of Horses, Azkena Rock Festivaleko kartelburu berria
AEBko bandak aurten Europan emango duen kontzertu bakarra izango da. Horrekin batera, Queens of the Stone Age, Sheryl Crow eta Jane’s Addiction ikusteko aukera izango da Gasteizen, ekainaren 20tik 22ra.
Band of Horses. Argazkia: @bandofhorses
Azkena Rock Festival (ARF) jaialdiak kartelburu berria iragarri du: Band of Horses. Queens of the Stone Age, Sheryl Crow eta Jane's Addiction izen handiei batuko zaie AEBko banda, aurten Europan emango duen kontzertu bakarrean. ARF ekainaren 20tik 22ra egingo da, Mendizabalan (Gasteiz).
Aipatutakoaz gain, izen gehiago jakin ditugu gaurkoan: Mavis Staples, L7, Redd Kross, Warren Haynes Band, Demolition 23, The Real McKenzies, Bonafide, La Perra Blanco, Whispering Sons eta Entropia gasteiztarrak.