Izarok ‘cerodenero’ izeneko diskoa aterako du, abenduaren 8an
‘Zero era’ren hasiera iragarri du Mallabiko artistak. Diskoaren aurkezpen bira urtarrilean hasiko da.
IZARO. Argazkia: Badator
Izaro oholtzara bueltatuko da 2024an. Artistak berak sare sozialetan iragarri duenez, cerodenero izeneko disko berria aterako du abenduaren 8an.
'Zero era' deiturikoari ekiteko, diskoaren aurkezpen bira egingo du musikariak, urtarriletik aurrera. Izaroren disko berriko kantak zuzenean entzuteko lehen sarrerak eskuragarri daude dagoeneko, hemen.
Limoien garaia alde batera utzita, bestelako unibertso batean murgilduko gaitu Mallabiko artistak.
Kolore hotzak, doinu elektronikoak eta hasiera berri bat aurkitu ditugu Izarok iragarri duen aro honetan. Datorrenaren lagin gisa, "zero" izeneko introa kaleratu du plataforma digitaletan.
