Olaia Inziarte, Sua, Lukiek, Liher, Ezpalak, Merina Gris eta ZETAK, 2023ko Gazte Topagunean

Apirilaren 6tik 9ra bitarte, musikak Elorrio hartuko du, “Bizitzeko modu bat” lelopean.
Gazte Topaguna 2023
Gazte Topaguna 2023
author image

B. F. | EITB Media

2023/04/04 - 13:08

Azken eguneratzea:

2023/04/04 - 13:08

Ernai gazte antolakundearen eskutik, musikak Elorrioko kaleak hartuko ditu apirilaren 6tik 9ra, 2023ko Gazte Topagunean. Bertan ikusiko ditugu Olaia Inziarte, Sua, Lukiek, Liher, Ezpalak, Merina Gris, ZETAK, Eire, Hofe X 4:40, Su Ta Gar, Burutik, Süne, TOC eta beste hainbat euskal artista.

Berrogei kontzertutik gorako kartelaz gain, hitzaldiak, tailerrak eta ikuskizunak izango dira, "elkarrekin hausnartu, partekatu, ospatu eta gozatzeko". Sünek eta Moonshine Wagon taldeak jarri diote doinua aurtengo Topagunearen edizioari, Leire Vargas durangar idazlearen hitzekin, "Orainari" kantan.

Sarrerak salgai daude oraindik, hemen. Hiru eguneko bonuak 70 euroko prezioa du, eta eguneko sarrera ere eros daiteke (osteguneko 22,50 euroan eta ostiral zein larunbatekoa 27,50 euroan). Gainera, antolakuntzak 'furgo parking' izeneko gunea sortu du, ibilgailua aparkatu eta bertan lo egin nahi dutenentzat.

Larunbata

Atara Zarata gunean, 19:30etik aurrera

Süne

Gatibu

Los Chikos del Maiz

Brigade Loco

Merina Gris

DJ Reimy

Ezker Pareta gunean, 19:30etik aurrera

TOC

Iramo

Pinpilinpussies

Nafarroa 1512

Lukiek

Jazzwoman

Gora Etorri

Gaztetxean (DJak, 02:00etatik aurrera)

Desi eta Presi

Xaukena Xauk