Rosalíaren “LLYLM”i buruz jakin beharreko guztia
Kataluniar artistaren lana aurreikusitakoa baino ordu batzuk lehenago filtratu da sare sozialetan. Lehen aldiz (kolaborazioak kontuan izan gabe), gaztelania eta ingelesa uztartu ditu musikariak.
"LLYLM"en bideotik ateratako irudia
"LLYM", Lie like you love me esaldiaren siglak, da Rosalíaren azken abestiaren izena. Bertan, gaztelaniaz eta ingelesez kantatzen du artistak, lehen aldiz (kolaborazioak kontuan izan gabe).
Hizkuntzaz gain, estiloan ere fusioaren aldeko apustua egin du kataluniarrak, flamenko musikaren elementuak, popa eta elektronika uztartu baititu.
Letran, maitasunari (eta honen faltari) eta onestasun ezari kantatzen dio artistak, honako esaldiekin: "I don't need honesty, baby. Lie like you love me, lie like you love me. Cover me in a dream. I'll be yours. Who needs the honesty, baby? Lie like you love me, lie like you love me. Maybe at the end it becomes real enough for me" (Ez dut zintzotasunik behar. Esan gezurra, maite nauzun bezala, estali nazazu amets batean. Zurea izango naiz. Nork behar du zintzotasuna? Esan gezurra, maite nauzun bezala. Agian, bukaeran, niretzako nahikoa izango da).
Abestiak bideoklip ofizialik ez duen arren, Rosalíak lyric video bat (abestiaren letra eta hainbat irudi biltzen dituen klipa) plazaratu du YouTuben eta sare sozialetan. Bertan, logela batean ateratako artistaren hainbat argazki ikus daitezke, takoidun bota arrosak jantzita.
Zaleen erantzuna berehalakoa izan da, muturreko iritziekin, Rosalíaren lanekin ohikoa den bezala. Hala ere, aldeko iruzkinak izan dira nagusi. Tartean, badaude ukitu flamenkoen itzulera goratu duten fanak, El Mar Querer diskoarekin antzekotasunak aurkitu baitizkiote.
Auto baten gainean, "Candy", "Saoko" eta "Despechá" abestu zituen, baita El Mal Querer diskoko "De aquí no sales" ere.
Zuzeneko galan sekulako erakustaldia egiteaz gain (Motomami diskoko hainbat abestien bertsioak berriak kantatu zituen zuzenean), ekitaldiko musika komisario lanak egin zituen.
