Asteko berriak: Bad Bunny, Cariño, Guitarricadelafuente, Arcade Fire eta Benizze

Beste alde batetik, Guitarricadelafuente bakarlari espainiarrak bere estreinako LPa atera du: "La cantera". Musikariak ohar bidez jakitera eman duenez, "haurtzaroari egindako keinua" da bere lehen albuma. 2019an ezagutu genuen Guitarricadelafuente, Natalia Lacunzarekin egindako Nana Triste abestiari esker.Sigrid artista norvegiarrak ere maiatzeko lehen asteburua aukeratu du "How to let go" izeneko bigarren estudioko albuma aurkezteko. Disko berriaren aurkezpen biraren baitan, Madrilgo Mad Cool festibalean izango da Sigrid, uztailaren 7an.

Arcade Fire kanadiarrek ere gaur atera dute "WE", bandaren azken disko bikoitza. Taldeko kideek azaldu dutenez, lan "katartikoa" izan da plazaratu berri dutena, "maite ditugun pertsonengandik urruntzen gaituzten indarren kontrako" manifestua.Euskal Herrian, Benizze gasteiztar artistak Zilarrezko bala abestia estreinatu du. Iragan apirilean ateratako Bazatozen atzetik dator bigarren single hau. Unai Goitia da Benizze izen artistikoaren atzean dagoen musikaria. Orain arte, Montauk taldean aritu izan da Goitia. Pandemia ostean, "asko ikasi eta pentsatzeko denbora" izan zuen, baita bakarkako proiektuari ekiteko pausoa emateko gogoa ere.