Izaro, Pinpilinpussies eta Ibil Bedi, asteburuko kontzertuen artean

Gainera, Rodeo, Anari, Tatxers eta beste hainbat talderen zuzenekoaz gozatzeko aukera izango da.

Pinpilinpussies. Argazkia: @pinpilinpussies

Gaztea

2021/10/29 - 17:32

Azken eguneratzea

2021/10/29 - 17:32

Kontzertuz lepo dator urriko azken asteburu luze hau. Besteak beste, Izaro, Pinpilinpussies, Lukiek eta Ibil Bedik zuzenekoak eskainiko dituzte.

Ostirala

Azkoitiko Matadeixen, 20:00etan Joseba Irazoki eta Lagunak izango dira. Bergarako gaztetxean, ostera, Rodeo eta Bizarro taldeak arituko dira, 22:00etatik aurrera.

Arima eta Abere taldeek Oñatiko Antixena gaztetxean joko dute, 22:00etan. Legorretako plazan, 23:30etik aurrera, Kinada, Libertad Condicional eta DJ Kraken arituko dira.

Larunbata

Anarik Ugaoko Jane jauregiko ganbaran joko du, 19:00etatik aurrera; eta, Jon Basagurenek, Ondarroako Apallu tabernan (23:00).

Gernikako Iparragirre Rock aretoan, 20:0etatik aurrera, Tatxers eta Pinpilinpussies izango dira ikusgai. Beste alde batetik, Izarok Durangoko Landako gunean joko du, 22:00etan.

Ibil Bedi taldea Lesakako Harriondo kultur etxean izango da (20:00); eta, Iheskide, Leherkaitz, Errietan eta Stepi Selektah-k Azpeitiko Frontoi Txikia musikaz beteko dute, 18:30etik aurrera.