Ariana Granderen '7 Rings' Top Gaztea zerrendaren lehen postura iritsi da

Mark Ronson eta Miley Cyrus daude bigarren ("Nothing Breaks Like a Heart") eta Yo Ciervokoek hirugarren lekuari eutsi diote beste aste batez.

Ariana Grande

ITZIAR URDAPILLETA | EITB.EUS

2019/03/25 - 07:45

Azken eguneratzea

2019/03/25 - 07:45

Ariana Granderen "7 Rings" abestiak lortu du aste honetan Top Gaztea zerrendaren lehen postua. Miley Cyrusen eta Mark Ronsonen "Nothing Breaks Like a Heart" kantak, berriz, behera egin du aste honetan, bigarrenera. Yo Ciervoko donostiarrek, bere aldetik, podiumean jarraituko dute beste aste batez, "Mundu honetan" proposamenaren erritmoan.

Calvin Harris eta Rag'n'Bone Man gora doaz astez aste, "Giant" arrakastarekin, laugarren baitaude. Lola Indigok eta Mala Rodriguezek postu bat egin dute behera, "Mujer Bruja"ren erritmoan. Seigarren tokia Mabel artista gaztearentzat da aste honetan, "Don't Call Me Up" dantzagarriarekin. Ondoren, Berri Txarraken "Zaldi Zauritua" dago zazpigarren, Ava Maxen "Sweet But Psycho" zortzigarren eta EraBaterakoen "Isilean" bederatzigarren.

Azkenik, Lauvek eta Troye Sivanek elkarlanean egindako "I'm so tired" abestiak itxiko du aste honetan ere hamar abesti bozkatuenen zerrenda.

1.- ARIANA GRANDE: 7 Rings

2.- MARK RONSON & MILEY CYRUS: Nothing Breaks Like a Heart

3.- YO CIERVO: Mundu honetan

4.- CALVIN HARRIS ft. RAG'N'BONE MAN: Giant

5.- LOLA INDIGO & MALA RODRIGUEZ: Mujer Bruja

6.- MABEL: Don't Call Me Up

7.- BERRI TXARRAK: Zaldi Zauritua

8.- AVA MAX: Sweet But Psycho

9.- ERABATERA: Isilean

10.- LAUV & TROYE sIVAN: I'm So Tired

Zerrenda osoa, hemen.