'Basaurin Be Bagara' lipduba, Euskararen Nazioarteko Eguna dela eta
Gainera, "Euskararen zaporea" ekimena abiatu dute, herritar guztien artean euskarak duen zaporea argitzeko.
Basauriko Euskarabila Basauriko Euskaldunon Elkarteak "Basaurin Be Bagara" lipduba egin du, Euskararen Nazioarteko Eguna dela eta.
Azaroaren 30ean grabatu zuten, Dingiliske Folk taldeak egindako abestia baliatuz.
Gainera, gaur bertan "Euskararen zaporea" ekimena abiatu dute, herritar guztien artean euskarak zein zapore duen eta zer-nolako sentimenduak eragiten dituen argitzeko.
Basaurin ere, euskararen alde!
