'Cup song' fenomenoa, euskararen alde

"Euskara da Euskal Herri" leloa duen bideoan Altsasuko 372 ikaslek parte hartu dute.

author image

Luzia Zugadi

2014/02/07 - 11:28

Azken eguneratzea

2014/02/07 - 11:28

Cup song fenomenoa Sakanara iritsi da. Iñigo Aritza Ikastolako eta Txioka Haur Eskolako umeek euskararen aldeko bideoklipa grabatu dute. "Euskara da Euskal Herri" leloa duen bideo hau asteburuan igo zuten sarera, eta egun gutxitan 5.000 bisitatik gora jaso ditu.

Edalontzi batekin eta parte-hartzaileen txaloekin perkusio erritmo bati jarraituz, abesti bat kantatzean oinarritzen da Cup song. Hain zuzen ere, Pitch Perfect pelikulak egin zuen ezagun fenomeno hau.

Hortik abiatuta, Altsasuko haurrek eta gazteek euskararen aldeko bideoklip hau grabatu dute. Ikastola osoak parte hartu du bideoan; guztira, 372 ikaslek.