Su Ta Gar taldeari buruzko saio berezia, gaur, ETB-3n

Durangoko Azokan egun pasa egin genuen talde gipuzkoarrarekin eta ETB-3k bertan jasotako irudiak eta elkarrizketa emango ditu gaur gauean, 23:30etik aurrera.

Su Ta Gar. Argazkia: EITB

L.Z.

2012/02/14 - 12:31

Azken eguneratzea

2012/02/14 - 12:31

Abenduan jarraipen berezia egin genion ETB-3k eta Gazteak Durangoko Azokari eta, besteak beste, Su Ta Gar taldekoekin izan ginen bertan.

Hain zuzen ere, Aitor Gorosabel eta gainerako taldekideekin egun pasa egin genuen, Azoka nola bizi duten ezagutu eta "Ametsak Pilatzen" diskoaren aurkezpena zer moduz joan zitzaien jakiteko.

Su Ta Garrek taldekoei elkarrizketa sakona egin genien eta gainera, Ahotsenean eskaini zuten emanaldiko irudiak hartu genituen.

Guzti hori, gaur gauean izango duzue ikusgai ETB-3n eskainiko dugun saio berezian, 23:30etik aurrera.