‘Sengoku BASARA: Samurai Heroes’ bideo-jokoa, salgai

Capcomek Sengoku BASARA: Samurai Heroes ekintzazko joko dibertigarria merkaturatuko du gaur. Japonian girotzen da jokoa, gerra eta etengabeko gatazken garaian, Nintendoren Wii kontsola eta Sonyren PlayStation3 entretenimendu sistemetan.

Hiroyuki Kobayashi, Devil May Cry 4-en ekoizleak, adituak diren hamabi samurai baino gehiago jarriko ditu jokalarientzat eskuragarri, Sengoku BASARA: Samurai Heroes jokoan, borroka eta trebetasun estilo ezberdinekin. Jokoa erosten dutenak ehunka etsai boteretsuen eta buruzagi nagusien kontra egin beharko dute hainbat gudu-zelaietan, XVI. mendeko Japonian garatzen den ekoizketa batean. Joko berria erosten dutenek Japoniako historia berridatzi ahal izango dute, arma pertsonalizatuak erabiliz, eta mugimendu bereziak eta BASARA eraso boteretsuak menderatuz.

PlayStation3 eta Xbox 360 kontsolentzako bertsioak egin ondoren, orain Capcomek Lost Planet 2-aren PC bertsioa ere argitaratuko du. Modalitate honek Akrid-en inguruneko xehetasun maila areagotzen du, eta DirectX 11 eta DirectX 9 teknologiekin bateragarria da. Lost Planet 2-k NVIDIA 3D Vision eta 3D Vision Surround (3D betaurrekoak banaka saltzen dira) teknologiak ere onartzen ditu eta hauek pantailan gertatzen den ekintza dimentsio berri batera eramaten dute.

Lost Planet; Extreme Condition joko ezaguna 2,3 milioi pertsonak baino gehiago erosi zuen eta Lost Planet 2 jatorrizko abentura horretan gertatutakoa baino hamar urte geroago kokatzen da.