Kylie Minoguek bideo-joko mitologiko bat aireratu du bere wegunean
Bere disko berria promozionatzeko helburuarekin aireratu du Kylie Aphrodite jokoa kantari australiarrak.
Azken diskoaren izenburua (Aphrodite) aprobetxatuz Kylie Minogue abeslari australiarrak bideo-joko mitologiko bat aireratu du bere webgune ofizialean.
Kylie Aphrodite jokoan gerlari batek maitasunaren jainkosa erreskatatu behar du. Horretarako, bihotzak bildu, oztopoak gainditu eta Afrodita salbatu beharko du..
Bideo-joko berri hau oso sinplea da eta jokatzeko orduan zuriune-barra eta teklatuko geziak soilik erabili behar dira.
Gainera, jokoakn Minoguen ahotsa entzuten da eta jokatzea doakoa da. Helburua, abeslariaren disko berria eta otsailean hasiko duen kontzertu bira promozionatzea da.
