Cameron Diaz, Interneteko pertsonaia arriskutsuena

Bere sentsualtasunagatik ezagun egin zen Cameron Diaz aktorea Interneteko pertsonaia arriskutsuena bilakatu da.

37 urteko ilehori hau sareko pertsonaia ospetsu arriskutsuenen rankingeko buru da une honetan, Julia Robertsen aurretik, McAfree segurtasun enpresaren arabera.

Iaz Jessica Biel kokatu zen aipatutako zerrendako lehen postuan, baina, aurten hirugarren tokira arte jaitsi da.

Cameorn Diaz

Knight and Day pelikulako protagonista azaltzen den hamar tokitik batek ordenagailuak kutsatzeko helburua duten softwarea du, aipatutako konpainiak jakinarazi duenez.

Hain zuzen ere, programa horien sortzaileek pertsonaia ospetsuen argazkiak erabiltzen dituzte jarraitzaileei iruzur egiteko. Besteak beste, pasahitzak nahiz informazio pribatua eskuratzeko trikimailuak erabiltzen dituzte.

Pertsonaia arriskutsuenen artean, Gisele Bundchen modeloa, Brad Pitt, Adriana Lima, Jennifer Love-Hewwit eta Nicole Kidman azaltzen dira.