Myspace plataformak aldaketa sakona behar du

Sareko musikarien artean erreferentzia puntu bilakatu zen MySpace duela urte batzuk, baina, dirudienez, azken urte eta erdian atari honen hazkundea gelditu egin da.

Denborarekin, beste sare sozial batzuek aurre hartu diote, hori dela eta, estrategia berriak bilatzen hasiko da MySpace. Datozen hilabeteetan aldaketa sakonak egingo ditu. Hasteko, Facebookekin eta Twitterrekin lotura izango du, artistei MySapectik beste plataforma batzuetara euren edukiak publikatzeko aukera eskainiz.

Gainera, diseinu aldetik ere berrikuntzak izango ditu, azken sei urteetan izan duen itxura guztiz aldatzeko. MySpaceko bozeramaileak, bazkidetza bidezko zerbitzuak eskaintzeko aukeraz ere hitz egin du, dena den "horretarako merkatua hazi eta momentu egokia hautatu behar dela" esan du.