Sonyk Tuentiko erabiltzaileekin konpartituko ditu bere bideoklipak

Hitzarmen honi esker, aipatutako sare sozialeko erabiltzaileek bideoklipak streaming bidez ikusteko aukera izango dute.

author image

L.Z.

2010/05/17 - 15:30

Azken eguneratzea

2010/05/17 - 15:30

Sony Music Spain konpainiak eta Tuenti sare sozialak akordioa sinatu dute, espainiar Estatuko artistek beraien bideoklipak erabiltzaileekin konpartitzeko.

Hitzarmen honek, nazioarteko hainbat musikariren bideoklipak ere jasoko lituzke, Beyoncerenak, Christina Aguilerarenak, Michael Jacksonenak eta Shakirenak, besteak beste. Estatuko artisten artean, El Canto del Loco, La Oreja de Van Gogh, Estopa, Pigonise eta Pereza egongo lirateke.

Akordio honi esker, Tuentiko erabiltzaileek streaming bidez talde hauen bideoak ikusteko aukera izango dute. Guztira 50 artista eta 35 musika ordu jasoko ditu ekimen honek eta musikarien eta entzuleen arteko distantzia laburtzea izango du helburu.