'Dida' saio berezia, ostegunean, Hernaniko Orona-Ideo campusetik

07:00etatik 11:00etara, Hernanin irekiko dituzten bi ingeniaritza berrien aurkezpenean izango da 'Dida'.

author image

LUZIA ZUGADI | EITB.EUS

2016/03/02 - 12:03

Azken eguneratzea

2016/03/02 - 12:03

Berriro ere, saio berezia egingo du 'Dida'k; kasu honetan, Hernaniko Orona-Ideo campusetik. Izan ere, bihar, Mondragon Unibertsitateak bi ingeniaritza berri aurkeztuko ditu hantxe: Energia Ingeniaritza eta Ekoteknologia Industriala.

Hori horrela, 'Dida' saioko lankideak campusean bertan gertatzen den guztia kontatuko digute, zuzen-zuzenean, ingeniarien mantal zuria soinean dutela, noski.

Leku aldaketa ez ezik, eduki aldaketa ere izango du saioak. Miramongo estudioetatik atera eta, zozketak, informazioak, musikak, umoreak eta, batik bat, festa-giroak izango dute lekua osteguneko irratsaio berezian.

Halaber, Mondragon Unibertsitatearen eta Gaztearen eskutik, EKOquiz lehiaketa jarriko dute abian. Hala, galdera bat luzatuko dute egunero, eta parte-hartzaileen artean iPad mini mundial bat zozkatuko dute.

Zu zeu ere ingeniari izatea nahi dugu! Hartu parte eta ez galdu biharko saioa, 07:00etatik aurrera.

etatik aurrera.