Zeba: “Beste talde batzuetan ibili izanak malguagoak izaten erakutsi digu”

Taldeko Imanol Escribano eta Jon Almuedok euren lehen EPa aurkeztu digute.
Zeba. Argazkia: @zebagara
author image

Erredakzioa Gaztea

2024/10/02 - 10:05

Azken eguneratzea

2024/10/02 - 10:05

Zeba taldeko Imanol eta Jon "B Aldea"n izan dira, euren estreinako EPa aurkezten.

2023 amaieran elkartu ziren Donostian Imanol Escribano, Jon Almuedo eta Jon Gartzia. Rocka, grungea eta garagearen bidetik ekin zioten lehen abestien konposaketari, eta horrela osatu zuten 4 abestiz osatutako bilduma.

Hiru musikariek eskarmentu handia duten arren, egiten duten musika mota berria da hirurentzat. Hala ere, aurreko esperientziak balio izan die, autoexijentzia maila jaisteko, adibidez. Diskoan, kolaborazio bat aurki dezakegu: Ezpalak taldeko Juango Berasainena, "Zeba Ez" kantan. Donostiako eszenaz galdetuta, musikari ugari baina plaza eta entseatzeko leku gutxi daudela diote taldekideek.