Armosu talde bizkaitarrak ‘Zer Ostondu’ izeneko estreinako EPa aurkeztu digu

Armosu taldeko Josu eta Arroyo kideen bisita izan dugu “B Aldea”n. ‘Zer Ostondu’ izeneko estreinako EPa aurkeztu digute.
Armosu. Argazkia: @armosuuu
author image

Erredakzioa Gaztea

2024/09/12 - 14:15

Azken eguneratzea

2024/09/12 - 14:15

Armosu taldeko Josu eta Arroyo kideen bisita izan dugu "B Aldea"n. Zer Ostondu izeneko estreinako EPa aurkeztu digute.

Bakio, Mungia eta Galdakaotik datoz taldeko hiru kideak.

Lau abestiz osatutako disko laburraren bitartekoa izan da Armosuk publikoarekin izan duen lehen harremana, eta jasotako erantzunarekin harrituta eta pozik daude musikariak. Urtzi Izarekin grabatu dute lana, Eten estudioan. Sekulako ikasketa izan dela kontatu digute musikariek, espero ez zituzten trabei aurre egiteko tresnak eskuratu baitituzte.   Dagoeneko izan dute euren abestiak zuzenean jotzeko aukera, Usurbilen, Mungian eta Bilbon.