Joseba B.Lenoirrek emanaldi akustikoa eskainiko du gaur, 'B aldea'n

Entzun ez ezik, ikusi ere egingo dugu aste honetan 'B aldea'. Izan ere, Joseba B. Lenoir gonbidatu dute Ainhoa Urretabizkaiak eta Xabier Doncelek gaurko saiora, Eguzkiari begietara so disko berria aurkezteko. Hori horrela, hiru abesti joko ditu akustikoan, 21:00etatik aurrera, eta bihar Gaztearen webgunean izango duzue ikusgai emanaldia. Aurreikusitakoaren arabera, Miren Narbaizarekin batera iritsiko da Miramongo estudiora.

Asteartean, berriz, Porco Bravoren bisita jasoko dute. Horrek ere lan berria, La Piara, dauka esku artean, eta proiektu horixe aitzakiatzat hartuta, solasaldi ederra izango du 'B aldean'.

Asteazkenean eta ostegunean ere ez dira doinu berriak eta musika ona faltako. Gainera, ohi bezala, asteburuko agendaren errepasoak izango du tokia.

Ez galdu 'B aldea', astelehenetik ostegunera, 21:00etatik aurrera.